Дар Самарқанд ҳунарпешаҳои тоҷикро гарм истиқбол намуданд
ДУШАНБЕ, 19.10.2019 /АМИТ «Ховар»/. Тавре қаблан иттилоъ дода будем, аз 13 то 19 октябр ҳунарпешагони Театри давлатии академии опера ва балети ба номи С. Айнӣ ба сафари ҳунарӣ ба шаҳри Самарқанди Ҷумҳурии Ӯзбекистон рафтанд.
Дар ин бора аз маркази матбуоти Вазорати фарҳанги ҷумҳурӣ ба АМИТ «Ховар» хабар доданд.
Тибқи иттилои манбаъ, ҳайати 35-нафараи Театри давлатии академии опера ва балети ба номи С. Айниро дар Театри вилоятии мусиқӣ ва драмаи ба номи Ҳамид Олимҷон аҳли театр бо гулдаста ва карнаю сурнай пешвоз гирифтанд.
Ба ифтихори меҳмонон аҳли театри Самарқанд намоиши театронидашудаи ҷолиберо таҳия намуда, намоиш доданд.
Шоми 14 октябр дар толори мазкур бо иштироки ҳунарпешаҳои Ҷумҳурии Тоҷикистон ва шаҳри Самарқанд барномаи консертӣ бо номи «Шоми дӯстӣ» дар сатҳи баланд баргузор гардид, ки он аз ҷониби сокинони Самарқанд хеле хуш ва самимӣ пазируфта шуд.
Аҳли театр ба тамошобинони самарқандӣ опереттаи «Найрангҳои Майсара» ва намоиши «Бузаки ҷингилапо»-ро намоиш доданд.
Намоишҳои мазкур, ки яке барои кӯдакон ва дигарӣ барои калонсолон аст, то 19 октябр манзури аҳолии вилояти Самарқанд гардонида шуданд. Ҳар ду намоиш бо коргардонии Ҳунарпешаии шоистаи Тоҷикистон Шавкат Халилов рӯи саҳна омадаанд.
Дар доираи сафари давлатии Президенти Тоҷикистон дар Улан-Батор Рӯзҳои фарҳанги Ҷумҳурии Тоҷикистон ифтитоҳ гардиданд
Дар ноҳияи Нуробод намоиши сайёри «Инъикоси обу пирях дар асарҳои рассомони Тоҷикистон» ифтитоҳ гардид
Филми ҳунарии «Моҳӣ дар шаст» дар Ҷашнвораи байналмилалии филмҳои Созмони ҳамкории Шанхай соҳиби ҷоиза шуд
Имрӯз Рӯзҳои фарҳанги Ҷумҳурии Тоҷикистон дар Муғулистон баргузор мегарданд
Рӯзи фарҳанги шаҳри Левакант дар фазои идона баргузор гардид
Дар Рӯзи фарҳанги шаҳри Хуҷанд дастовардҳои шаҳр муаррифӣ карда шуданд
Имрӯз дар Душанбе Рӯзи фарҳанги ноҳияи Темурмалик доир гардид
«МӮҚАЛАМЕ, КИ ТАЪРИХРО ТАҶАССУМ НАМУДААСТ». Дар Осорхонаи миллии Тоҷикистон намоиши асарҳои Ашур Ҳайдаров ифтитоҳ ёфт
Дар пойтахт рӯзҳои фарҳанги шаҳри Хуҷанд, Левакант ва ноҳияи Темурмалик доир мегардад
Дар Рӯзи фарҳанги ноҳияи Абдураҳмони Ҷомӣ ҳунарҳои мардумӣ ва маҳсулоти кишоварзӣ пешниҳод гардиданд
Дар Душанбе Рӯзи фарҳанги ноҳияи Зафаробод баргузор шуд
Дар Рӯзи фарҳанги шаҳри Кӯлоб аз маҳсулоти кишоварзӣ то ҳунарҳои мардумии сокинон муаррифӣ гардид
