Номаи сипос ба Вазири фарҳанги Тоҷикистон аз Сафорати Тоҷикистон дар Давлати Кувайт
ДУШАНБЕ, 29.10.2019. /АМИТ «Ховар»/. Аз номи Сафири Ҷумҳурии Тоҷикистон дар Давлати Кувайт Зубайдулло Зубайдзода ба номи Вазири фарҳанги Ҷумҳурии Тоҷикистон Шамсиддин Орумбекзода номаи сипос расидааст, ки дар он, аз ҷумла омадааст:
«Таваҷҷуҳи махсус ва роҳнамоии бевоситаи Шумо –Вазири муҳтарам буд, ки барномаи Рӯзҳои фарҳанги Давлати Кувайт дар Ҷумҳурии Тоҷикистон дар сатҳи баланд баргузор гардида, роҳбар ва аъзои ҳайати кувайтӣ аз сатҳи баргузории он қаноатманд шуданд. Ҳамзамон онҳо аз ҳусни истиқбол ва меҳмоннавозии гарму самимона бо хотироти некӯ ба ватани хеш баргаштанд».
Дар ин бора аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» иттилоъ доданд.
Ба иттилои манбаъ, дар матни нома ба Вазири фарҳанги ҷумҳурӣ Шамсиддин Орумбекзода, сардори Раёсати санъати вазорат Мирзоолим Саидов, роҳбари Муассисаи давлатии сафарию ҳунарии «Базморо» Олимҷон Акрамов ва якчанд корманди ин ниҳод барои дар сатҳи баланд баргузор намудани Рӯзҳои фарҳанги Давлати Кувайт дар Ҷумҳурии Тоҷикистон, ки аз 14 то 18 октябри соли 2019 дар шаҳрҳои Душанбе, Норак ва ноҳияи Варзоб сурат гирифт, самимона изҳори миннатдорӣ карда мешавад.
Дар фарҷоми нома Сафир Зубайдулло Зубайдзода ба Вазорати фарҳанг баҳри муаррифии санъату фарҳанги Тоҷикистон дар саҳнаи ҷаҳонӣ ва таҳкими робитаҳои фарҳангии байни давлатҳо дастовардҳои нав таманно намудааст.
Дар Хатлон Фестивали ҷумҳуриявии «Ҳафтаи китоби кӯдакону наврасон» баргузор гардид
«ФУРӮҒИ МАЪРИФАТ». Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз шуд
Ҳамкории илмии Институти астрофизикаи Тоҷикистон ва Институти астрономияи Узбекистон густариш меёбад
Пагоҳ дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз мегардад
Наврӯзи байналмилалиро дар Академияи миллии илмҳо бо риояи суннату анъанаҳои миллӣ таҷлил намуданд
Дар Китобхонаи миллӣ Рӯзи дарҳои боз доир шуд
Дар Душанбе намоиш-фурӯши китобҳои тозанашр баргузор мегардад
ТАЪРИХИ ВАТАН МЕОМӮЗЕМ! Саёҳати наврасону ҷавонон ба осорхонаҳо ва мавзеъҳои таърихии Тоҷикистон ташкил карда мешавад
Намояндагони Тоҷикистон дар Бозиҳои Делфии давлатҳои аъзои СҲШ соҳиби 7 медал гардиданд
Рӯзҳои фарҳанги Ҷопон дар Тоҷикистон бо намоиши ҷашну анъана ва ҳунарҳои мардумӣ баргузор шуд
Робитаҳои дӯстонаи давлатию миллӣ ва илмию фарҳангии Тоҷикистону Узбекистон тақвият меёбанд
ТОҚИДӮЗӢ — ҲУНАРИ ҚАДИМӢ. Равнақи он анъанаҳои миллиро ҳифз менамояд
