Тоҷикистон ва Бонки Олмонии Рушд ҷиҳати беҳтар намудани хизматрасонии соҳаи тандурустӣ ба ҳамкорӣ вусъат мебахшанд
ДУШАНБЕ, 18.10.2019. /АМИТ «Ховар»/. Ҷумҳурии Тоҷикистон ва Бонки Олмонии Рушд ҷиҳати беҳтар намудани хизматрасонии соҳаи тандурустӣ ҳамкориро вусъат мебахшанд. Дар ин хусус имрӯз, 18 октябр дар шаҳри Душанбе шартномаи дахлдор ба имзо расид.
Тавре мухбири АМИТ «Ховар» иттилоъ медиҳад, шартномаи маблағгузории Барномаи «Солимии модару кӯдак ва ёрии таъҷилии тиббӣ, марҳилаи VI» миёни Бонки Олмонии Рушд ва Ҳукумати Ҷумҳурии Тоҷикистон ба имзо расида, маблағи умумии он 9 миллион евроро ташкил медиҳад. Шартномаро Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода ва роҳбари Дафтари Бонки Олмонии Рушд дар Тоҷикистон Андресес Шнейдер ба имзо расониданд.
Зикр шуд, ки баимзорасии шартномаи имрӯза метавонад дар беҳтар намудани хизматрасонӣ ба модару кӯдак ва хубтар кардани сифати кори ёрии таъҷилӣ мусоидат намояд.
Маблағҳои ҷиҳати татбиқи Барнома ҷудогардида барои сохтмон ва барқарорсозӣ, харидории таҷҳизоти тиббӣ ва ғайритиббӣ ба шуъбаҳои ғайриантологӣ ва таваллудхонаи Пажӯҳишгоҳи миллии тадқиқотии Тоҷикистон дар шаҳри Душанбе истифода мешаванд.
Мавриди зикр аст, ки шартномаи баимзорасида дар асоси Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Федеративии Германия дар бораи ҳамкории молиявӣ барои солҳои 2016-2017 таҳия гардидааст.
Ҳайати Тоҷикистон дар Лондон бо намояндагони ниҳодҳои бонуфузи байналмилалии молиявӣ вохӯрӣ намуд
Муовини Сарвазири Тоҷикистон бо вазъи соҳаи кишоварзӣ дар Ҳисор, Турсунзода ва Шаҳринав шинос шуд
Ҷаласаи нахустини Комиссияи давлатӣ оид ба радиобасомадҳои Ҷумҳурии Тоҷикистон доир шуд
Ҷаласаи Кумитаи муштараки роҳбарикунандаи Ҳукумати Тоҷикистон ва Созмони Милали Муттаҳид доир шуд
Нишасти Кумитаи пайгирии иҷрои Протоколи Комиссияи муштараки Тоҷикистону Эрон баргузор гардид
Дар Минтақаи озоди иқтисодии «Кӯлоб» Маркази логистикӣ таъсис дода мешавад
Ҷаласаи 8-уми Комиссияи муштараки Тоҷикистон ва Покистон оид ба ҳамкории тиҷоратӣ, иқтисодӣ ва илмӣ-техникӣ доир мегардад
Дар Тотористон бо соҳибкорони Тоҷикистон вохӯрӣ доир гардид
Хатҳои интиқоли барқ дар Кӯҳистони Мастчоҳ бояд навсозӣ карда шаванд
Дар Минтақаи озоди иқтисодии «Данғара» таъсиси корхонаҳои нав бо сармоягузорони эронӣ баррасӣ гардид
Дар Деҳлӣ ҳамкории Тоҷикистон ва Ҳиндустон дар соҳаи саноат ва технологияҳои муосир баррасӣ шуд
Дар Тоҷикистон саҳми бахши хусусӣ дар истеҳсоли молҳо ба 80 фоиз расид
