Мавқеи Тоҷикистон оид ба ташаббусҳои марбут ба савдои Созмони Умумиҷаҳонии Савдо дар 8-умин Мизи Мудаввари Чин муаррифӣ гардид
ДУШАНБЕ, 06.12.2019/ АМИТ «Ховар»/. Аз 4 то 6 декабр дар шаҳри Москваи Федератсияи Россия 8-умин мизи мудаввари Чин баргузор гардид. Дар кори он мавқеи давлати моро муовини якуми Вазири рушди иқтисод ва савдои Ҷумҳурии Тоҷикистон Завқӣ Завқизода оид ба “Ташаббусҳои муштарак ва ҳамроҳшавӣ ба Созмони Умумиҷаҳонии Савдо (СУС)” ҳамчун шарҳдиҳандаи ҳамоиш муаррифӣ намуд.
Дар ҳамоиши мазкур масъалаҳои шомилшавии кишварҳо ба СУС, ташаббусҳои муштараки аъзо дар самти сиёсати савдо, ҳамгироии иқтисодӣ ва омодагӣ ба 12-умин Конфронси вазирони СУС, ки моҳи июни соли 2020 дар шаҳри Нур-Султони Ҷумхурии Қазоқистон ба нақша гирифта шудааст, муҳокима гардиданд.
Дар ҳошияи ҳамоиш Завқӣ Завқизода бо Вазири рушди иқтисоди Федератсияи Россия Максим Орешкин ва муовини Директори кулли СУС Алан Волфф мулоқоти дуҷониба анҷом дода, масъалаҳои рушди ҳамкории иқтисодиву савдоро баррасӣ намуд.
«Мизи мудаввари Чин» ҳамасола бо ташаббуси бевоситаи Ҳукумати Ҷумҳурии Мардумии Чин, котиботи СУС ва яке аз кишварҳои узви ин созмон баргузор мегардад.
Ёдовар мешавем, ки Ҷумҳурии Тоҷикистон аз 1-ум то 5-уми июни соли 2015 мизбони баргузории “Сеюмин мизи мудаввари Чин” буд.
Созмони ҷаҳонии сайёҳӣ: «Тоҷикистон аз ҳисоби афзоиши теъдоди ҷаҳонгардон ба мамлакат дар зинаи сеюм қарор гирифт»
Аз шаҳри Душанбе ба самти Давҳа парвозҳо оғоз гардиданд
Дар Душанбе нишасти нуздаҳуми Шурои роҳбарикунандаи СПЕКА баргузор гардид
Байни Агентии содироти Тоҷикистон ва Кумитаи рушди содироти Арабистони Саудӣ оид ба рушди содироти ғайринафтӣ Ёддошти тафоҳум ба имзо расид
Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
Сулаймон Султонзода дар Нишасти дуюми вазирони мақомоти ҳифзи ҳуқуқи давлатҳои аъзои Созмони ҳамкории исломӣ иштирок намуд
Имсол аз Тоҷикистон беш аз ҳазор тонна хуч ба хориҷи мамлакат содирот гардидааст
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
Дар шаҳри Кӯлоб филиали «Саноатсодиротбонк» ифтитоҳ гардид
Таҷрибаи Ҷумҳурии Корея оид ба истифодаи технологияҳои ҳушманд дар соҳаи кишоварзӣ дар ноҳияҳои Тоҷикистон баррасӣ гардид
Вазири энергетикаи Тоҷикистон дар Риёз дар чорабинии канорӣ оид ба диверсификатсияи манбаъҳои энергия иштирок намуд
Конфронси 28-уми байналмилалии сармоягузорӣ дар шаҳри Риёзи Подшоҳии Арабистони Саудӣ ба анҷом расид
