Вазорати фарҳанг озмуни ҷумҳуриявии драманависон дар соли 2020-ро эълон кард
ДУШАНБЕ, 14.01.2020 /АМИТ «Ховар»/. Вазорати фарҳанги Ҷумҳурии Тоҷикистон бахшида ба ҷашни 30-солагии Истиқлолияти давлатӣ Озмуни ҷумҳуриявии драмнависонро эълон намуд.
Тавре хабарнигори АМИТ «Ховар» бо истинод ба Вазорати фарҳанг иттилоъ медиҳад, қабули асарҳо ба озмун аз 15 январи соли равон оғоз гардида, то 15 сенябр идома меёбад.
Ҳадаф аз баргузории озмуни мазкур рушди драматургияи миллӣ, таҳияи асарҳои баландғояи ватанӣ ва тарғиби санъати театрӣ дар мамлакат мебошад.
“Асарҳо дар се нусхаи чопи компютерӣ қабул карда мешавад. Асарҳои пешниҳодшаванда бояд мавзӯъҳои муосири таҷассумгари дастовардҳои сиёсиву иқтисодӣ ва иҷтимоиву фарҳангии мамлакатро дар замони истиқлолият дар бар гиранд”, — афзуд манбаъ.
Ғолибони озмун барои ишғоли ҷойи якум – 8 ҳазор сомонӣ, ҷойи дуюм – 6 ҳазор сомонӣ ва ҷойи сеюм – 4 ҳазор сомонӣ мукофот хоҳанд гирифт.
Ҳамчунин се ҷоизаи ҳавасмандгардонӣ ҳар яке – 1000 сомонӣ муқарар гардидааст.
Хоҳишмандон барои гирифтани маълумоти муфассал ва пешниҳоди мавод ба Вазорати фарҳанги Ҷумҳурии Тоҷикистон муроҷиат намоянд.
Бояд тазаккур дод, ки драма як жанри адабӣ, саҳнавӣ, синамоӣ ва дар адабиёти асрҳои 18-21 хеле маъмул буд. Бо пайдоиши синамо, он низ ба ин шакли санъат гузашт, ки яке аз жанрҳои паҳнгаштаи синамо гардид. Дар драмаҳо, одатан зиндагии шахсии инсон ва муноқишаҳои иҷтимоии ӯ ба таври мушаххас тасвир карда мешаванд.
Дар Тоҷикистон Рӯзҳои фарҳанги Федератсияи Русия оғоз гардид
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
