Директори КВД «Тоҷиксуғурта» Шуҳрат Мақсудзода: «Мо барои рақобати солим омода ҳастем»

Февраль 3, 2020 16:00

ДУШАНБЕ, 03.02.2020 /АМИТ «Ховар»/. Дар бозори суғуртаи ҷумҳурӣ  беш аз 21 ширкати хусусӣ фаъол ҳастанд ва ин хуб аст, зеро рақобат омили рушд мебошад. Мо барои рақобати солим омода ҳастему масъулиятро бештар эҳсос мекунем. Ин нуктаро директори Корхонаи Воҳиди Давлатии «Тоҷиксуғурта» Шуҳрат  Мақсудзода имрӯз зимни нишасти матбуотии ин ниҳод иброз намуд.

Мавсуф афзуд, ки  корхонаи мазкур  соли сипаригашта аз ҳисоби ҳамаи намудҳои суғурта беш аз 32,6 миллион сомонӣ ҳаққи суғуртавӣ ворид намуд ва иҷрои воридоти ҳаққи суғуртавӣ 101,5 фоиз таъмин карда шуд.

Ба иттилои номбурда, аз маблағи умумии воридшуда беш аз 34 фоиз ҳатмӣ ва қариб 66 фоиз ба намудҳои ихтиёрии суғурта тааллуқ  доранд. Дар ин баробар ӯ афзуд, ки корхонаи мазкур дар давраи ҳисоботӣ ба 5 ҳазору 961 нафар суғурташудагон ба маблағи 5,1 миллион сомонӣ ҷуброн пардохт намудааст.

Дар баробари ин зикр гардид, ки шумораи умумии кормандони воҳидӣ ва шартномавӣ дар «Тоҷиксуғурта» 715 нафарро ташкил намуда, аз онҳо 34 фоизашон занон ва 15 фоизро ҷавонон ташкил медиҳанд.

Дар мавриди он ки фоизи кормандони ҷавон дар «Тоҷиксуғурта» кам мебошад,  роҳбарияти корхона иброз дошт, ки тасмим дорад сафи кормандони ҷавонро зиёд намояд. Ҳамчунин ба  онҳо кормандони собиқадори ин  корхона аз таҷрибаи хеш дарсҳои омӯзишӣ мегузаронанд.

Соли сипаригашта ҳамчунин КВД «Тоҷиксуғурта» ба оилаҳои камбизоат, пиронсолону маъюбон ва нафақахӯрону собиқадорони корхона дар маҷмӯъ ба маблағи 68 ҳазор сомонӣ кумакҳои яквақтаинаи моддӣ расонидааст.

Февраль 3, 2020 16:00

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст