Муовини аввали Вазири фарҳанг Обид Назариён: «90 фоизи донишҷӯён бо майли том дар маъракаи омодагӣ ба идҳои давлатӣ ширкат меварзанд»
ДУШАНБЕ, 06.02.2020 /АМИТ «Ховар»/. Муовини аввали Вазири фарҳанги Ҷумҳурии Тоҷикистон Обид Назариён хабари дар ВАО паҳншударо, ки гӯё донишҷӯёни донишгоҳҳо дар тамринҳо бахшида ба ҷашнҳои миллӣ ва давлатӣ маҷбуран ширкат меварзанд, рад намуд.
«Ширкати донишҷӯён дар тамоми тамринҳо ихтиёрист»,- зикр намуд Обид Назариён имрӯз зимни нишасти матбуотӣ оид ба натиҷаҳои фаъолияти ин ниҳод дар соли 2019.
Ба қавли ӯ, донишҷӯёнро касе зӯран ба тамринҳо намебарад, интихоб аз ҷониби худи онҳост.
«Дар ҷараёни мулоқоту суҳбатҳо бо донишҷӯёни донишгоҳҳои мухталифи ҷумҳурӣ мо пайваста масоили ширкати онҳоро дар маъракаҳои омодагӣ ба ид муҳокима менамоем. Дар байни донишҷӯёни донишгоҳҳо оид ба масъалаи мазкур корҳои фаҳмондадиҳӣ бурда мешаванд. Бо эътимоди комил мегӯям, ки 90 фоизи донишҷӯён ба тамринҳо бо майли том мераванд»,- гуфт муовини Вазири фарҳанги Ҷумҳурии Тоҷикистон.
Ҳамасола дар Тоҷикистон барои ширкат дар идҳои миллӣ ва давлатӣ ҷавонон аз донишгоҳҳои гуногун ҷалб мешаванд. Ин на танҳо барои дар сатҳи олии фарҳангию ташкилӣ баргузор гардидани ҷашнҳо мусоидат менамояд, балки донишҷӯёнро боз ҳам муттаҳид намуда, рӯҳияи ватандӯстиро дар онҳо бештар тарбия менамояд.
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
