Суғд: бо мақсади таҳкими ҳисси ватандӯстӣ озмуни «Ватанпарвар» гузаронида шуд
ДУШАНБЕ, 22.02.2020 /АМИТ «Ховар»/. Бо мақсади тарғибу ташвиқи ҳисси ватандӯстӣ дар байни хонандагон, таҳкими ғояҳои дӯстӣ, ташвиқи хизмат дар сафи Қувваҳои мусаллаҳи Ҷумҳурии Тоҷикистон, бахшида ба 27-солагии Рӯзи таъсиси Артиши миллии Ҷумҳурии Тоҷикистон ва истиқболи сазовори 30-солагии Истиқлолияти давлатии Ҷумҳурии Тоҷикистон дар қисми низомии 3501-и Қӯшунҳои дохилии Вазорати корҳои дохилии Ҷумҳурии Тоҷикистон даври вилоятии озмуни ҳарбӣ — варзишии «Ватанпарвар» баргузор гардид.
Тавре аз Раёсати маорифи вилояти Суғд ба АМИТ «Ховар» хабар доданд, дар ҳамоиш сардори Раёсати маорифи вилоят Осим Каримзода афсарону аскарони қисми ҳарбии мазкур ва иштирокдорони озмунро ба ифтихори солгарди таъсиси Артиши миллии мамлакат табрик намуда, таъкид дошт, ки баргузории чунин озмунҳо барои баланд бардоштани ҳисси ватандӯстӣ ва ифтихори миллии ҷавонон такони ҷиддӣ мебахшад.
Дар озмун ғолибони даври минтақавӣ — дастаҳои хонандагон аз шаҳру ноҳияҳои Бобоҷон Ғафуров, Истаравшан, Деваштич, Конибодом ва Хуҷанд ширкат варзида, аз рӯйи 5 бахш – машқҳои сафороӣ, тарбияи ҷисмонӣ, мудофиаи шаҳрвандӣ, омодагии дифои ҳарбӣ, таҳияи варақаи ҳарбӣ – ватанпарастӣ бо ҳам мусобиқа намуданд.
Дар ҷамъбасти натиҷаҳои озмун ҷойи аввал насиби дастаи ноҳияи Бобоҷон Ғафуров гардид. Ҷойи дуюмро дастаи шаҳри Конибодом ишғол намуда, мақоми сеюм ба дастаи шаҳри Истаравшан дода шуд. Дастаҳои шаҳри Хуҷанд ва ноҳияи Деваштич барои ширкати фаъолона бо Ифтихорнома ва туҳфаҳои хотиравӣ сарфароз гардонида шуданд.
Озмуни мазкур тибқи фармоиши сардори Раёсати маорифи вилоят аз 27 январи соли 2020 дар се давр — шаҳрӣ (ноҳиявӣ), минтақавӣ ва вилоятӣ гузаронида шуд.
Ғолибони озмун моҳи июн вилояти Суғдро дар даври ҷумҳуриявии Озмуни ҳарбӣ — варзишии «Ватанпарвар» намояндагӣ мекунанд.
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
