Дар шаҳри Хоруғ корхонаи коркарди партовҳои сахти маишӣ бунёд мегардад
ДУШАНБЕ, 19.06.2020 /АМИТ «Ховар»/. Дар арафаи ҷашни 30-солагии Истиқлолияти давлатии Ҷумҳурии Тоҷикистон кормандони корхонаи воҳиди давлатии Хоҷагии манзилию коммуналии шаҳри Хоруғ бо бинои нави дуошёнаи маъмурӣ, техникаву механизмҳои махсуси муосир таъмин мегарданд. Бинои мазкур дорои мошинсарой, анборхона барои нигоҳдошти маводи сӯзишворию зидилағзиш ва корхонаи коркарди партовҳои сахти маишӣ буда, он дар асоси қарордод байни Ҳукумати Ҷумҳурии Тоҷикистон ва Бонки Аврупоии Рушд амалӣ шуда истодааст. Барои бунёди бино 370 ҳазор доллар ва барои корхонаи коркарди партовҳои сахти маишӣ 4 миллион евро ихтисос дода шуд, ки 2 миллиони он қарз ва ду миллиони дигар грант мебошад.
Айни замон тахту ҳамворсозии макони сохтмони ин иншооти ҷашнӣ идома дошта, корҳои бунёдиро ҶДММ «Бародарон-2020» ба ўҳда дорад. Масъули ҷамияти мазкур Марватшо Ватаншоев иброз дошт, ки дар сохтмони бинои мазкур 20 нафар коргар аз шаҳрҳои Хоруғу Душанбе ҷалб шудаанд. Бо вусъат ёфтани корҳои сохтмонӣ шумораи бинокорон бамаротиб афзоиш хоҳад ёфт. Ба сохтмончиён шароити мусоиди корӣ фароҳам оварда шуда, бо ҷойи хоб, се вақт хӯроки гарм таъмин буда, моҳонаи худро сари вақт мегиранд.
Лозим ба ёдоварист, ки то ҷашни 30-солагии Истиқлолияти давлатии Ҷумҳурии Тоҷикистон дар шаҳру ноҳияҳои вилояти Мухтори Кӯҳистони Бадахшон иншооти зиёди таъйиноташон гуногун сохта мавриди баҳрабардорӣ қарор хоҳанд гирифт.
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
Дар Палатаи ҳисоб оид ба пешгирӣ ва муқовимат ба коррупсия машварат баргузор шуд
Дар Душанбе Протоколи ҷаласаи 14-уми Комиссияи муштараки байниҳукуматии Тоҷикистон ва Туркманистон ба имзо расид
