Суғд: Афзоиш ёфтани ҳодисаҳои роҳу нақлиёт бо иштироки кӯдакону наврасон
ДУШАНБЕ, 03.06.2020. /АМИТ «Ховар»/. Аз аввали соли равон дар роҳҳои мошингарди вилояти Суғд назар ба ҳамин давраи соли гузашта содиршавии ҳодисаҳои роҳу нақлиётӣ бо иштироки кӯдакону наврасон рӯ ба афзоиш аст. Аз ҷумла, дар ин давра 8 нафар кӯдак ба ҳалокат расида, 15 тани дигар ҷароҳатҳои ҷисмонӣ гирифтаанд.
Тавре ба хабарнигори АМИТ «Ховар» сардори Маркази матбуоти Бозрасии давлатии автомобилии вилояти Суғд Карим Ҷумъаев иттилоъ дод, давоми 5 моҳи сипаригаштаи соли 2020 дар роҳҳои мошингарди қаламрави вилоят аз шумораи умумии садамаҳои роҳу нақлиётии рӯйдода 22 ададаш бо иштироки кӯдакону наврасон содир гаштаанд. Ин нишондиҳанда нисбат ба 5 моҳи аввали соли 2019 11 адад, яъне сафи ҳалокшудагон 6 нафар ва ҷароҳатбардоштагон 5 нафар зиёд мебошад.
Ҳамзамон дар маҷмӯъ, давоми 5 моҳи сипаригаштаи соли 2020 дар роҳҳои нақлиётгарди ҳудуди вилояти Суғд 82 ҳодисаи роҳу нақлиётӣ ба қайд гирифта шуда, бар асари он 48 нафар ба ҳалокат расида, 85 тани дигар ҷароҳати гуногуни ҷисмонӣ бардоштаанд.
Дар бештари ҳолатҳо сабаби асосии садамаҳо -ин бо суръати баланд рондани воситаи нақлиёт аз ҷониби ронандагон мебошад.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
