Имсол қарор аст давраи раёсати солонаи Тоҷикистон дар СҲШ ва СААД оғоз гардад-бардошт аз нишасти матбуотӣ
ДУШАНБЕ, 27.07.2020 /АМИТ «Ховар»/. «Имсол қарор аст, ки давраи раёсати солонаи Тоҷикистон дар Созмони ҳамкории Шанхай ва Созмони аҳдномаи амнияти дастаҷамъӣ оғоз гардад», — хабар дод имрӯз дар нишасти матбуотӣ Вазири корҳои хориҷии Ҷумҳурии Тоҷикистон Сироҷиддин Муҳриддин.
Ба гуфти Сироҷиддин Муҳриддин, соли оянда шаҳри Душанбе мизбони иҷлосияи Шӯрои амнияти дастаҷамъии Созмони Аҳдномаи амнияти дастаҷамъӣ ва нишасти ҷашнии Шӯрои сарони давлатҳои узви Созмони ҳамкории Шанхай ба муносибати 20-солагии таъсиси он хоҳад буд. Ҳамчунин бояд ёдовар шуд, ки соли 2021 шаҳри Душанбе пойтахти фарҳангии Иттиҳоди Давлатҳои Мустақил эълон гардидааст. Гузашта аз ин, 9 сентябри соли оянда 30-юмин солгарди Истиқлолияти Ҷумҳурии Тоҷикистон таҷлил хоҳад шуд.
«Рӯйдодҳои муҳими мазкур аз Вазорати корҳои хориҷӣ тақозо мекунанд, ки барои дар сатҳи шоиста баргузор шудани интихоботи президентӣ дар хориҷи мамлакат, анҷом додани раёсат дар Созмони ҳамкории Шанхай, Созмони аҳдномаи амнияти дастаҷамъӣ ва истиқбол намудани 30-солагии Рӯзи Истиқлолияти давлати маҳбуби мо омодагии ҳамаҷонибаи ҷиддӣ бинад»,- таъкид намуд Вазири корҳои хориҷии Ҷумҳурии Тоҷикистон Сироҷиддин Муҳриддин.
Мавсуф ҳамзамон илова намуд, ки бо дарназардошти паҳншавии вируси нави корона ва ҷорӣ гардидани маҳдудиятҳо дар кишварҳои ҷаҳон тасмим гирифта шуд, ки баргузории Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» ба соли оянда ба таъхир гузошта шавад.
Намояндаи доимии Тоҷикистон бо муовини Котиби кулли Созмони умумиҷаҳонии обуҳавошиносӣ мулоқот намуд
Давлатшоҳ Гулмаҳмадзода бо роҳбарони ҷамъиятҳои тоҷикон дар шимолу ғарби Русия вохӯрӣ намуд
Сафири Тоҷикистон бо Губернатори вилояти Ленингради Русия мулоқот намуд
Сафири Тоҷикистон дар Русия бо ҷавонон ва донишҷӯёни тоҷик дар шаҳри Санкт-Петербург мулоқот намуд
Дар Женева дурнамо ва рушди ҳамкорӣ байни Тоҷикистон ва Созмони умумиҷаҳонии моликияти зеҳнӣ баррасӣ шуд
Сафири Тоҷикистон бо Губернатори Санкт – Петербург мулоқот намуд
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
