Ҳушдори КҲФ ва МГ ба сокинон: нимаи дуюми даҳаи охири моҳи июл гармтарин рӯзҳо хоҳанд буд
ДУШАНБЕ, 26.07.2020. /АМИТ «Ховар»/. Нимаи дуюми даҳаи охири моҳи июл гармтарин рӯзҳо хоҳанд буд. Дамои ҳаво рӯзҳои 25 – 28 июл то 44 дараҷа хоҳад расид, хабар медиҳад АМИТ «Ховар» бо истинод ба Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон.
Тавре кумита бо истинод ба Агентии ҳавошиносии кишвар ҳушдор медиҳад, бар асари ин гармӣ дар баландкӯҳҳо эҳтимоли беш аз ҳадди интизор об шудани барфу пиряхҳо вуҷуд дорад ва ин метавонад боиси он шавад, ки дар дарёҳои Панҷу Вахш сатҳи об боло равад. Омадани сел ва рух додани обхезӣ, лағзиши тарма ва резиши санг ҳам эҳтимол дорад.
Дар ин иртибот, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони ноҳияҳои кӯҳӣ муроҷиат намудааст, ки дар чунин рӯзҳо эҳтиёткор бошанд ва бахусус ҳангоми ҳезумчинӣ, чаронидани чорво ва шикор зиракиро аз даст надиҳанд.
Кумита ҳамчунин ба шаҳрвандон муроҷиат кардааст, ки қоидаҳои бехатариву амниятро ҳангоми оббозӣ ва будубош дар соҳили обҳо риоя намоянд ва бахусус ба кӯдакону наврасон эътибор диҳанд ва онҳоро беназорат нагузоранд.
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Имрӯз дар водиҳои Тоҷикистон ҳаво то 26 дараҷа гарм мешавад
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
