ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Ҷамъиятҳои «Автошина» ва «Авангард 2013»-и Истаравшан молҳои воридотивазкунанда истеҳсол мекунанд
ДУШАНБЕ, 12.08.2020. /АМИТ «Ховар»/. Ба истиқболи 30-солагии Истиқлолияти давлатии Тоҷикистон ва дар самти татбиқи ҳадафи чоруми миллӣ — саноатикунонии босуръат дар шаҳри Истаравшани вилояти Суғд бо дастгирии соҳибкорони маҳаллӣ корхонаҳои истеҳсоли молҳои содиротию воридотивазкунанда бо таъсиси ҷойҳои нави корӣ мавриди баҳрабардорӣ қарор дода шуданд. ҶДММ «Автошина» ва «Авангард 2013» аз ин ҷумлаанд. Дар ин бора ба хабарнигори АМИТ «Ховар» аз Мақомоти иҷроияи ҳокимияти давлатии шаҳри Истаравшан иттилоъ доданд.
Яке аз ин корхонаҳо ҶДММ «Автошина» мебошад, ки қаблан фаъолияташро дар самти воридоти чархҳои резинии мошинҳо ба роҳ мемонд. Имрӯз он зери бренди «Имкон» ба истеҳсоли молҳои мавриди ниёзи мардум, аз қабили зарфҳои пластикӣ машғул аст.
Ба гуфти масъулин, корхона соҳиби сертификати мутобиқати «Тоҷикстандарт» мебошад. Тибқи нақшаи корхона, бо муътадил ба роҳ мондани фаъолият номгӯйи маҳсулоти истеҳсолӣ аз 25 то 80 намуд расонида мешавад.
Ҳадафи чоруми миллӣ эълон гардидани саноатикунонии босуръат дар мамлакат воситаест, ки тавассути он ҷойҳои нави корӣ таъсис ёфта, ҷавонони маҳаллӣ бо шуғли доимию музди кор таъмин мегарданд.
Ҳамчунин ҶДММ «Авангард 2013» ба истеҳсоли маҳсулоти воридотивазкунанда оғоз намудааст. Корхона зери тамғаи «Standart 20W-50» ба истеҳсоли равғани босифат барои муҳаррикҳо машғул буда, мошинҳои сабукрав ва боркаши шаҳру навоҳии мамлакатро бо ин маҳсулот таъмин менамояд.
То имрӯз дар шаҳри Истаравшан 274 иншооти дорои аҳамияти муҳим ба истифода дода шудаанд. Бештари иншооти навбунёд, ки фаъолияташон ба самти истеҳсол равона гардидааст, ба истеҳсоли молҳои содиротию воридотивазкунанда нигаронда шудааст.
Ҳамкории вилояти Суғд бо ширкатҳои чинӣ густариш меёбад
НИШАСТИ МАТБУОТӢ. Молу маҳсулоти Тоҷикистон дар 17 намоишгоҳи дохилию байналмилалӣ муаррифӣ гардид
Дар Тоҷикистон дар беш аз 3 ҳазор гектар ҷангалзор бунёд ва барқарор карда шуд
35-СОЛАГИИ ИСТИҚЛОЛИ ДАВЛАТӢ. Дар Кӯлоб сохтмони филиали Донишкадаи такмили ихтисос ва бозомӯзии кормандони соҳаи маориф идома дорад
Дар доираи Барномаи давлатии рушди соҳаи геология 259 кони дорои захираҳои саноатӣ ба қайд гирифта шуд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар маросими ифтитоҳи бинои Вазорати адлия
Сарвари давлат Эмомалӣ Раҳмон бо роҳбарону кормандони мақомоти адлияи кишвар мулоқот намуданд
ҲУКУМАТИ ЭЛЕКТРОНӢ ВА ҲУКУМАТИ РАҚАМӢ. Мулоҳизаҳо оид ба фарқияти он
Пешвои миллат Эмомалӣ Раҳмон бинои нави Вазорати адлияро ифтитоҳ намуданд
Дар Душанбе масоили таҳкими ҳамкории институтсионалӣ бо Агентии TIKA баррасӣ гардид
Дар Хатлон масоили рушди ҳамкории сармоягузорӣ ва боғдорӣ баррасӣ гардид
НИШАСТИ МАТБУОТӢ. Ҳаҷми истеҳсоли неруи барқ дар неругоҳҳо ва марказҳои барқу гармидиҳии ҶСК «Барқи Тоҷик» беш аз 8 миллиард кВт-соатро ташкил дод
