Кӯлоб: «Барқи Тоҷик» 150 нафар хонандагони Мактаб-интернати ёрирасонро бо либоси мактабию лавозимоти хониш таъмин намуд
КӮЛОБ, 02.09.2020 /АМИТ «Ховар»/. Масъулини ширкати «Барқи Тоҷик» 150 нафар хонандагони Мактаб–интернати ёрирасони №1-и шаҳри Кӯлобро бо либоси мактабӣ, пойафзол ва лавозимоти хониш таъмин карда, бинои мактаб –интернатро аз таъмир бароварданд. Дар ин бора ба хабарнигори минтақавии АМИТ «Ховар» директори Мактаб-интернати мазкур Сурайё Бадарғаева иттилоъ дод.
Дар Мактаб-интернати ёрирасон 150 нафар хонанда ба таҳсил фаро гирифта шуда, 25 нафар омӯзгор ва 27 нафар мураббӣ ба шогирдон дарс меомӯзанд. Дар ин мактаб хонандагон касбҳои пойафзолдӯзӣ, дуредгарӣ ва заргарӣ омӯхта, баъди хатм соҳиби шаҳодатномаи тахассусӣ мегарданд. Айни ҳол хонандагон шароити заруриро доро буда, бо се вақт хӯрок ва ҷои хоб таъмин мебошанд.
Тавре Сурайё Бадарғаева иброз дошт, «мо ҳамеша ҷонибдори сиёсати пешгирифтаи Пешвои миллат муҳтарам Эмомалӣ Раҳмон мебошем, чунки таваҷҷуҳи Сарвари давлат ба соҳаи маориф бештар буда, нисбат ба ин соҳа ғамхориҳои зиёд зоҳир менамоянд. Мо низ ҷавобан ба ин ғамхориҳо кӯшиш менамоем, ки хонандагонро дар рӯҳияи ватандӯстию хештаншиносӣ тарбия намуда, саҳми худро дар рушди соҳаи маориф гузорем. Мактаби мо ба фасли зимистон омода мебошад ва дар ин самт мо ягон мушкилӣ надорем, чунки аллакай дар ҳама синфхонаҳо печҳои барқӣ насб карда шуда, дар ҳолати номусоидии боду ҳаво аз онҳо истифода бурда мешавад».
Хонандагони Мактаб-интернати ёрирасон барои пешгирӣ аз бемории каронавирус бо ниқоб ва маводи антисептикӣ таъминанд.
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
