Пешбурди системаи иттилоотии бозор дар Тоҷикистон дар Душанбе баррасӣ шуд

Ноябрь 26, 2020 14:14

ДУШАНБЕ, 26.11.2020 /АМИТ «Ховар»/. Пешбурди системаи иттилоотии бозор дар Тоҷикистон дар доираи лоиҳаи «Татбиқи соҳибкорӣ дар соҳаи кишоварзӣ» 25 ноябр дар шаҳри Душанбе зимни мизи мудаввар баррасӣ шуд, иттилоъ медиҳад хабарнигори  АМИТ «Ховар».

Дар ҷараёни ҳамоиш ба намояндагони раёсатҳои кишоварзӣ дар сатҳи ҷумҳурӣ шарҳи мухтасари ташаккули омори нархҳои ҳафтаина, ки аз ҷониби Агентии омори назди Президенти Ҷумҳурии Тоҷикистон бо дарназардошти фарогирии ҷуғрофӣ, номгӯйи маҳсулот ва модернизатсия тартиб дода шудааст, пешниҳод гардид.

Бояд гуфт, ки лоиҳа ба рушд ва дастгирии деҳот ва соҳибкорӣ равона шудааст.

Тавре ки сардори омори нархҳо ва тарифҳои Агентии омори ҷумҳурӣ Абдухалил Наҷибуллоев иброз намуд, дар айни замон системаи омори миллии мамлакат маълумотро оид ба нархҳои миёнаи маҳсулоти асосӣ ҳафтае 2 маротиба — рӯзҳои душанбе ва ҷумъа ҷамъоварӣ мекунад. «Ҷамъоварии иттилоот интихобан дар 22 шаҳру вилояти ҷумҳурӣ сурат мегирад. Шарҳи нархҳо барои 25 номгӯй молҳои мавриди ниёзи аввал, маҳсулоти хӯрокворӣ, бензин, гази моеъ ва қурби асъор ҷамъоварӣ мешавад. Маълумоти ҷамъоваришуда коркард ва ба истеъмолкунандагон: Ҳукумат, вазоратҳои рушди иқтисод ва савдо, кишоварзӣ, мақомоти давлатии ҷумҳуриявӣ, хадамоти зиддиинҳисорӣ ва ғайра пешниҳод карда мешавад», — зикр  намуд мусоҳиб.

Ба гуфтаи Абдухалил Наҷибуллоев, маълумот оид ба нархҳо имрӯз барои сокинони шаҳрҳо ва деҳот, истеҳсолкунандагон, роҳбарони хоҷагиҳои деҳқонӣ аҳамияти калон дорад ва онҳо бояд дарк кунанд, ки нархҳо дар бозорҳои Тоҷикистон чӣ гуна тағйир меёбанд. Ин дар навбати худ сабаби афзоиши даромаднокии истеҳсолкунандагони маҳсулоти кишоварзӣ, беҳтар гардидани соҳибкорӣ дар соҳаи кишоварзӣ мегардад.

Дар доираи лоиҳа дастгирии техникӣ такмил дода шудааст. Агар қаблан тамоми маълумот дар коғаз ҷамъоварӣ ва коркард мешуд ва ин вақти зиёд талаб мекард, ҳоло ин раванд дар шакли электронӣ бо кумаки планшетҳо ва компютерҳо сурат мегирад.

Ноябрь 26, 2020 14:14

Хабарҳои дигари ин бахш

Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
Меҳргон иди кишоварзону олимон, иди фаровонӣ, шодию нишот, дӯстӣ, ваҳдату ягонагӣ ва меҳру садоқат аст
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд