Тақдими туҳфаҳои солинавӣ ба тарбиятгирандагони «Хонаи бачагон»-и ноҳияи Фархор
ДУШАНБЕ, 30.12.2020 /АМИТ «Ховар»/. Дар арафаи Соли нави мелодии 2021 аз ҷониби мудири бахши САҲШ-и Вазорати адлия дар ноҳияи Фархор Нилуфар Мирзозода ба 3 нафар ятими кулл ва 66 нафар нимятими тарбиятгирандагони «Хонаи бачагон»-и ноҳияи Фархор туҳфаҳои солинавӣ тақдим гардида, ҳамчунин барои онҳо дастурхони идона ороста шуд.
Мудири бахши САҲШ-и ноҳия тарбиятгирандагони таълимгоҳи мазкурро бо фарорасии Соли нави милодӣ табрик намуда, изҳор дошт, кӯдаконе, ки бо амри тақдир аз саробонии падару модар ё яке аз онҳо маҳрум гаштаанд, набояд худро танҳо эҳсос кунанд ва аз таваҷҷуҳу ғамхориҳо бенасиб бошанд, зеро онҳо ҳамеша таҳти ҳимояту дастгириҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор доранд ва кумаки доимӣ ба онҳо яке аз самтҳои афзалиятноки Ҳукумати мамлакат мебошад.
Ҳамчунин Нилуфар Мирзозода бо шароити зисту зиндагонии тарбиятгирандагони «Хонаи бачагон» шинос шуда, иттилоъ дод, ки рӯзҳои наздик бо дастгирии соҳибкорони хайрхоҳ ба кӯдакон либосу пойафзоли зимистона тақдим карда мешавад. Дар идомаи ин гуна иқдомҳои нек аз ҷониби бахши САҲШ-и ноҳияи Фархор ба 3 оилаи эҳтиёҷманд, ки дар тарбияи худ кӯдакони маъюб доранд, туҳфаҳо ва шириниҳои солинавӣ супорида шуд.
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
