Дар Сангвор бо мақсади тарғиби таомҳои миллӣ озмуни «Дастархонороӣ» доир шуд
САНГВОР, 30.01.2021 /АМИТ «Ховар»/. Дар ноҳияи Сангвор бо иштироки беҳтарин ҳунармандони ноҳия озмуни «Дастархонороӣ» баргузор гардид.
Озмуни мазкур ҷиҳати амалӣ намудани амри Президенти Ҷумҳурии Тоҷикистон аз 20 январи соли 2020 «Дар бораи баргузории фестивал, намоиш, ид ва озмунҳои анъана ва ҳунарҳои мардумӣ дар Ҷумҳурии Тоҷикистон барои солҳои 2019-2021» гузаронида шуд.
Тавре корманди ноҳияи Сангвор Шодӣ Раҳмонов ба мухбири АМИТ “Ховар” иттилоъ дод, аъзои ҳакамон аз рӯи шартҳои озмун бо истифода аз сарфакоронаю моҳирона оростани дастархон, зебо, хушоянд ва дилписанд будани дастархони оросташуда, риояи анъанаҳои миллӣ, мавҷудияти таомҳои миллӣ дар дастархони оросташуда ва ба замона мутобиқат кардани он ҳунари кадбонуҳоро санҷида, онҳоро барои иштироки фаъолона бо Сипосномаву Ифтихорномаи мақомоти иҷроияи ҳокимияти давлатии ноҳия қадрдонӣ намуданд.
Ҳадафи баргузор намудани озмуни «Дастархонороӣ» эҳё ва тарғиби таомҳои миллӣ, баланд бардоштани маданияти дастархонороии сокинон, сарфаю сариштакорӣ дар оростани дастархон ва истифодаи бештар аз маҳсулоти хоми маҳаллӣ, аз ҷумла гулу гиёҳҳои шифобахш мебошад.
15 июл дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
Имрӯз дар водиҳои Тоҷикистон ҳаво то 43 дараҷа гарм мешавад
ТАЪТИЛИ ТОБИСТОНА. Дар Китобхонаи миллии Тоҷикистон барои наврасону ҷавонон маҳфилҳои омӯзишӣ баргузор мешаванд
Дар Тоҷикистон 11 лоиҳаи сармоягузорӣ дар соҳаи роҳу нақлиёт ба маблағи беш аз 1,1 миллиард доллар амалӣ мегардад
