ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ҷамоати деҳоти Сомони Ҳисор беш аз 5 км роҳ мумфарш гардид

Апрель 15, 2021 08:40

ДУШАНБЕ, 15.04.2021 /АМИТ «Ховар»/. Сокинони деҳаи Мортеппаи Ҷамоати деҳоти Сомони шаҳри Ҳисор ба иқдоми ватандӯстона даст зада,  беш аз 500 метрро роҳро бо паҳноии 5-6 метр аз шоҳроҳи Душанбе – Турсунзода то маркази деҳа мумфарш намуданд. Роҳсозон ин амали некро бо истифода аз техникаву механизмҳои пуриқтидор анҷом доданд, ки он ба кӯчаи деҳа ҳусни нав бахшид.

Дар ин бора ба мухбири АМИТ «Ховар» аз Мақомоти иҷроияи ҳокимияти давлатии шаҳри Ҳисор хабар доданд.

Иқдоми мазкур дар доираи корҳои ободониву созандагӣ ба ифтихори ҷашни 30-солагии Истиқлоли давлатии Ҷумҳурии Тоҷикистон, Солҳои рушди деҳот, сайёҳӣ ва ҳунарҳои мардумӣ ва аз ҷониби Мақомоти иҷроияи ҳокимияти давлатии шаҳри Ҳисор эълон шудани соли 2021 чун Соли роҳҳои обод бо амалҳои ояндасози ҷавонмардони бонангу номус ва дастгирии аҳолӣ анҷом дода шуд.

Раиси шаҳри Ҳисор Шарифҷон Ҷумъазода ҷиҳати шиносоӣ бо ҷараёни корҳои ободонӣ дар деҳот ба ин мавзеи мардумаш сарҷамъу ободкор омад. Сокинони деҳа ба раиси шаҳр аз оғози иқдоми неки пешгирифтаашон- мумфаршкунии роҳҳо, тоза сохтани кӯчаю ҷӯйборҳо ва шинонидани гулу ниҳолҳо хабар доданд.

Қобили зикр аст, ки сокинони деҳаи Мортеппа дар Ҷамоати деҳоти Сомон яке аз пешсафони иқдомҳои бунёдкорӣ буда, барои ободонии деҳа садоқатмандона камари ҳиммат бастаанд. Онҳо дастаҷамъона ба ҳашар баромада,  атрофи деҳаро, ки дар баландӣ ҷойгир аст, бо санг девор бардошта, бехатар гардониданд. Ҳамчунин чанде қабл симчӯбҳои фарсударо бо пояҳои бетонӣ иваз  ва хатҳои барқро пурра таъмир намуданд. Фаъолони деҳа дар идомаи корҳои ободонӣ тасмим гирифтаанд, ки бинои бунгоҳи саломатӣ бунёд намуда, дар арафаи ҷашни 30-солагии Истиқлоли давлатии Ҷумҳурии Тоҷикистон онро мавриди истифода қарор диҳанд.

 

 

Апрель 15, 2021 08:40

Хабарҳои дигари ин бахш

Истиқлоли давлатӣ — асоси хушбахтӣ ва рушди давлатдории миллӣ
Имрӯз дар шаҳри Душанбе ҳаво то 36 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Нақши занони тоҷик дар таҳкими давлатдории миллӣ назаррас аст
Дар остонаи ҷашни Истиқлоли давлатӣ ҳашари экологии «Тозагии соҳил» гузаронида шуд
Имрӯз дар водиҳои Тоҷикистон ҳаво то 39 дараҷа гарм мешавад
Дар Донишгоҳи миллии Тоҷикистон ҳамоиши ҷумҳуриявӣ баргузор шуд
Имрӯз аз нашри нахустин шумораи маҷаллаи «Бонувони Тоҷикистон» 19 сол сипарӣ гардид
ИСТИҚЛОЛИ ДАВЛАТӢ — ВОСИТАИ МУАССИРИ ЭЪТИРОФ. Барои ҳар шахси озодихоҳ неъмате муқаддастар аз он нест
Имрӯз дар ноҳияҳои алоҳидаи Тоҷикистон чангу ғубор ба амал меояд
Бахшида ба Истиқлоли Тоҷикистон ҳамоиши кормандони соҳаи таҳсилоти ибтидоӣ ва миёнаи касбӣ доир шуд
ТАНТАНАҲОИ ҶАШНИ ИСТИҚЛОЛИЯТ. Дар шаҳру ноҳияҳои мамлакат барномаҳои фарҳангӣ доир мегарданд