Дар ҷануби Тоҷикистон ба соҳибкорон ва кишоварзон тарзи дурусти барои содирот омода кардани маҳсулотро мефаҳмонанд
БОХТАР, 22.04.2021 /АМИТ «Ховар»/. Дар Тоҷикистон мавсими содироти маҳсулоти кишоварзӣ оғоз меёбад ва бинобар ин, дар байни соҳибкорон ва кишоварзон чорабиниҳо ҷиҳати шарҳ додани меъёрҳои дурусти нигоҳдорӣ, бастабандӣ ва муҳофизати маҳсулот, аз ҷумла пиёз, лимӯ, ангур, харбуза, олу, гелос, олуболу, зардолу, чормағз ва меваҳои хушк аз вайроншавӣ гузаронида мешаванд, хабар медиҳад мухбири минтақавии АМИТ «Ховар».
21 апрел дар шаҳри Бохтар бо иштироки доираи васеи соҳибкорон, роҳбарони хоҷагиҳои деҳқонӣ ва коршиносон машварат баргузор гардид.
Таъкид шуд, ки мутобиқи стандартҳои байналмилалӣ содироти молу маҳсулот тағйир ёфта, талаботи худро дорад ва содиркунандагони тоҷик низ бояд онҳоро иҷро кунанд.
Бо вуҷуди хуруҷи коронавирус соли 2020 Тоҷикистон муваффақ шуд, ки содироти амвол, аз ҷумла маҳсулоти кишоварзиро афзоиш диҳад.
Сардори Маркази идоракунии сифат дар вилояти Хатлон Мирзоравшан Қобилов шарҳ дод, ки сифати маҳсулоти кишоварзиро ба ҳадди баланд расонидан зарур аст, чунки бинобар паст будани сифат зарар метавонад зиёд ва шумораи харидорон кам шавад. Маҳсулот бояд аз ҷиҳати экологӣ бехатар бошад. Танҳо бо риояи тамоми стандартҳои зарурии байналмилалии сифат ба натиҷаҳои назарраси содиротӣ ноил шудан мумкин аст.
Ба ҳамаи иштирокчиён дастурамалҳо оид ба тарзи дурусти ҳуҷҷатгузорӣ ва омода кардани маҳсулоти рақобатпазири содиротӣ дода шуданд.
АКС аз бойгонии АМИТ «Ховар»
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
СТРАТЕГИЯИ РУШДИ ИҚТИСОДИ «САБЗ». Дар доираи амали он беш аз 500 ҳазор ҳисобкунаки электронии барқ насб гардидааст
Ҷаласаи навбатии Шурои ҷамъиятиву машваратӣ доир ба фаъолияти гумрукӣ баргузор шуд
Кишоварзони Ваҳдат имсол ҳаҷми умумии маҳсулотро ба беш аз 1 миллиарду 689 миллион сомонӣ расониданд
