Дар Донишгоҳи давлатии Бохтар даври аввали Озмуни ҷумҳуриявии «Илм-фурӯғи маърифат» оғоз гардид
ДУШАНБЕ, 18.04.2021 /АМИТ «Ховар»/. 17 апрел дар факултети физикаи Донишгоҳи давлатии Бохтар даври аввали Озмуни ҷумҳуриявии «Илм-фурӯғи маърифат» оғоз гардид. Озмун 25 апрел ҷамъбаст гардида, ғолибон ба даври дуюм, ки дар шаҳри Бохтар доир мегардад роҳхат мегиранд.
Тавре аз Донишгоҳи давлатии Бохтар ба АМИТ «Ховар» иттилоъ доданд, дар озмуни мазкур донишҷӯёни факултетҳои физика, математика-информатика, алгебра, геометрия ва технологияи иттилоотӣ, факултети химия ва биология аз руйи номинатсияи химия, биология ва география ва факултети техникӣ – технологӣ аз руйи номинатсияи ихтироъкорӣ ва навоварӣ иштирок намуда, савияи дониши худро месанҷанд.
Дар озмун мутахассиси Раёсати илм ва инноватсияи донишгоҳ Самариддини Ҷамолӣ, декани факултети физика Мурод Холмуродзода ва устодони факулта иштирок намуданд.
Ҳадаф аз баргузории озмуни амалисозии «Бистсолаи омӯзиш ва рушди фанҳои табиатшиносӣ, дақик, ва риёзӣ дар соҳаи илму маориф» (солҳои 2020-2040), ва иҷрои Амри Президенти Ҷумҳурии Тоҷикистон аз 11 феврали соли 2021 оид ба баргузории озмуни ҷумҳуриявии «Илм-фурӯғӣ маърифат» арзёбӣ гардид.
Акс аз Донишгоҳи давлатии Бохтар
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Имрӯз дар Тоҷикистон ҳавои бебориш дар назар аст
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
