Пак Бён Сок: «Мо ба кӯшишҳои Президенти Тоҷикистон Эмомалӣ Раҳмон барои таъмини сулҳу субот дар минтақаи Осиёи Марказӣ баҳои баланд медиҳем»
ДУШАНБЕ, 01.04.2021 /АМИТ «Ховар»/. Президенти Ҷумҳурии Тоҷикистон муҳтарам Эмомалӣ Раҳмон 1 апрел дар Қасри миллат Раиси Парламенти Ҷумҳурии Корея Пак Бён Сокро, ки бо сафари расмӣ дар Душанбе қарор дорад, ба ҳузур пазируфтанд.
Тавре мухбири АМИТ «Ховар» хабар медиҳад, пас аз вохӯрӣ бо Пешвои миллат муҳтарам Эмомалӣ Раҳмон Раиси Парламенти Ҷумҳурии Корея Пак Бён Сок дар нишасти хабарӣ чунин гуфт: «Дар мулоқот бо Президенти Тоҷикистон муҳтарам Эмомалӣ Раҳмон мо муколамаи муфид ва созанда доштем. Умедворем, ки ин сафари мо ба Душанбе муносибатҳои дуҷонибаи Ҷумҳурии Корея ва Тоҷикистонро ба сатҳи нав мебардорад, аз ҷумла дар соҳаҳои иқтисодиёт ва фарҳанг. Мо кӯшишҳои Президенти Ҷумҳурии Тоҷикистон Эмомалӣ Раҳмон ва Ҳукумати Тоҷикистонро барои таъмини сулҳу субот дар минтақаи Осиёи Марказӣ баҳои баланд медиҳем».
Пак Бён Сок иттлооъ дод, ки имсол дар Душанбе бинои Сафорати Ҷумҳурии Корея бунёд мешавад.
Ёдовар мешавем, ки имрӯз Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо Раиси Парламенти Ҷумҳурии Корея Пак Бён Сок, ки дирӯз бо сафари расмӣ ба Ҷумҳурии Тоҷикистон ташриф овард, мулоқот намуданд.
Дар мулоқоти дуҷониба ҳамчунин ҳайатҳои васеи Маҷлиси миллии Маҷлиси Олии Ҷумҳурии Тоҷикистон ва Маҷлиси миллии Ҷумҳурии Корея иштирок доштанд.
АКС аз Хадамоти матбуотии Президенти ҶТ
Сафири Тоҷикистон бо имкониятҳои иқтисодӣ, саноатӣ ва илмии музофоти федеролии Саарланди Олмон шинос шуд
Ҳамкории Тоҷикистон бо Иттиҳоди Аврупо баланд арзёбӣ гардид
Ҳамкории Тоҷикистон ва Австрия дар доираи созмонҳои байналмилалӣ баррасӣ шуд
Дар Женева ҳамкории Тоҷикистон ва Созмони ҷаҳонии тандурустӣ баррасӣ гардид
Вазири корҳои хориҷии Кипр Константинос Комбос дар пояи муҷассамаи Исмоили Сомонӣ гулчанбар гузошт
Ҳайати Тоҷикистон дар ҷаласаи Комиссияи СММ оид ба пешгирии ҷиноят ва адлияи ҷиноӣ дар Женева иштирок дорад
Дар Москва машваратҳои муовинони вазирони корҳои хориҷии Созмони Аҳдномаи амнияти дастҷамъӣ баргузор шуд
Дар қароргоҳи ЮНЕСКО бахшида ба Эъломияи Куруши Кабир конфронси илмӣ баргузор шуд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Нидерланд доир гардид
Ҳамкории Тоҷикистон ва Беларус дар самти аттестатсияи кадрҳои илмӣ баррасӣ гардид
Фаррух Ҳамрализода бо сафири Подшоҳии Нидерланд дар Ҷумҳурии Тоҷикистон Нико Схермерс мулоқот намуд
Cафири Тоҷикистон бо Президенти «Маркази тиҷоратии ҷаҳонӣ»-и иёлати Ютаҳи ИМА вохӯрӣ намуд
