Созишномаи навсозии роҳи автомобилгарди Қизил-қалъа-Бохтар ба таври маҷозӣ ба имзо расид
ДУШАНБЕ, 02.04.2021 /АМИТ «Ховар»/. Миёни Вазорати нақлиёти Ҷумҳурии Тоҷикистон ва ширкати японии «Дай Ниппон Констракшн» тариқи маҷозӣ ё видеоконфронс Созишномаи «Таҷдид ва азнавсозии қитъаи Қизилқалъа – Бохтар»-и роҳи автомобилгарди Душанбе-Бохтар ба имзо расонида шуд.
Вазорати нақлиёти ҷумҳурӣ иттилоъ медиҳад, ки сандаи мазкурро аз ҷониби Тоҷикистон Вазири нақлиёти Тоҷикистон Азим Иброҳим ва аз ҷониби Япония менеҷери генералии раёсати байналмилалии ширкати «Дай Ниппон Констракшн» Ҳидеми Ҳатано имзо намуданд. Ба имзо расонидани санади мазкур дар самти татбиқ намудани яке аз ҳадафҳои асосии Ҳукумати кишвар –раҳоӣ аз бунбасти коммуникатсионӣ қадами муассир мебошад.
Дар натиҷаи ҳадафмандона ба роҳ мондани якчанд даври гуфтушунидҳо бо масъулини Агентии ҳамкории байналмилалии Япония, ки аз соли 2016 оғоз гардидаанд, Япония сармояро дар шакли грант барои «Таҷдид ва азнавсозии қитъаи Қизилқалъа – Бохтар- роҳи автомобилгарди Душанбе-Бохтар» ҷудо намуд. Дарозии роҳ дар қитъаи мазкур 9,2 км-ро ташкил дода, аз ҳудуди шаҳри Бохтар то наздикии пул аз болои дарёи Вахш бо самти ҳаракат ба шаҳри Душанбе бо назардошти аз 2 хати ҳаракати нақлиёт ба 4 хат васеъ кардани роҳи автомобилгарди мавҷударо дар бар мегирад. Муҳлати татбиқи лоиҳа 22 моҳро ташкил намуда, пурра анҷом додани корҳои сохтмонӣ ва мавриди истифода қарор додани он моҳи январи соли 2023 ба нақша гирифта шудааст.
Маблағи умумии лоиҳа бо назардошти хароҷоти машваратӣ-лоиҳакашӣ ва пудратӣ-сохтмонӣ дар маҷмӯъ 3 349 000 000,00 иени японӣ ё ин ки 30 149 000 доллари амрикоиро ташкил медиҳад. Тендери лоиҳаи мазкур бо риояи тамоми қоидаҳо гузаронида шудааст.
АКС аз сомонаи Вазорати нақлиёт
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Эмомалӣ Раҳмон: «Ба рушди Вилояти Мухтори Кӯҳистони Бадахшон зиёда аз 25 миллиард сомонӣ равона шудааст»
Дар Хадамоти гумрук моҳияти қонунҳои миллӣ тавзеҳ дода шуд
Эмомалӣ Раҳмон: «Дар Вилояти Мухтори Кӯҳистони Бадахшон амалисозии 9 барномаи рушди иҷтимоиву иқтисодӣ идома дорад»
Байни вилоятҳои Хатлони Тоҷикистон ва Ленингради Русия Созишномаи ҳамкорӣ ба имзо расид
Раҳмон Исломиддин дар ҷаласаи навбатии Шурои байнидавлатӣ оид ба стандартизатсия, метрология ва сертификатсияи давлатҳои аъзои ИДМ иштирок намуд
Дар Турсунзода Фестивали саводнокии молиявӣ баргузор шуд
Татбиқи тарҳи «CASA-1000» намунаи ҳамкории энергетики минтақавӣ мебошад
Ҷаласаи сеюми Комиссияи байниҳукуматии Тоҷикистону Ҷопон баргузор гардид
Байни «Амонатбонк» ва Федератсияи футболи Тоҷикистон шартномаи ҳамкорӣ ба имзо расид
Дар доираи ҳамкории Тоҷикистон бо Фонди байналмилалии рушди кишоварзӣ академияи бонкӣ таъсис дода мешавад
Харитаи роҳи Ҳадафи 7-уми Рушди Устувор барои Тоҷикистон расман оғоз гардид
