ПУРСЕД, ҶАВОБ МЕДИҲЕМ! Даври нимниҳоии «Евровидение-2021»-ро бо иштироки Манижа дар куҷо ва кай метавон тамошо кард?
ДУШАНБЕ, 18.05.2021 /АМИТ «Ховар»/. Тавре хабар додем, 65-умин Озмуни байналмилалии суруди “Евровидение” 18-22 майи соли 2021 дар Роттердам (Нидерланд) баргузор мегардад. Зодаи шаҳри Душанбе Манижа Сангин (Manizha) дар ин озмун Россияро бо суруди «Russian Woman» намояндагӣ мекунад.
Бисёр хонандагон аз мо мепурсанд, ки баромади Манижаро дар ин озмун дар куҷо ва кай метавон тамошо кард.
Ёдовар мешавем, ки Манижа имрӯз, 18 май дар нимниҳоии якуми озмун ҳунарнамоӣ хоҳад кард. Дар он намояндагони 16 кишвар, аз ҷумла Россия ширкат меварзанд. Даҳ довталаб ба даври ниҳоӣ роҳхат мегиранд.
Даври нимниҳоии дуюми «Евровидение-2021» рӯзи панҷшанбе, 20 май баргузор мешавад. Тибқи натиҷаҳои он, даҳ сарояндаи дигар ба марҳилаи ниҳоӣ (финал) мебароянд. Дар маҷмӯъ, дар даври дуввуми нимниҳоӣ намояндагони 17 кишвар ширкат меварзанд.
Марҳилаи ниҳоии «Евровидение-2021» рӯзи шанбе, 22 май баргузор мегардад. 26 нафар довталабон барои пирӯзӣ мубориза мебаранд: 20 нафари дар ду даври нимниҳоӣ интихобшуда, намояндаи Ҳолланд — кишвари мизбони озмуни 65-ум ва панҷ нафар иштирокчиён аз кишварҳои бунёдгузори “Евровидение” (Британияи Кабир, Германия, Италия, Испания ва Франсия).
Ҳарду даври нимниҳоӣ ва марҳилаи ниҳоии “Евровидение”-ро метавон тавассути Шабакаи якуми Телевизиони Россия ва сомонаи www.1tv.ru мустақиман тамошо кард.
Оғози пахши барнома соати 22:00 ба вақти Москва (00:00 ба вақти Душанбе).
Ҷилди панҷуми китоби «Таърихи халқи тоҷик» рунамоӣ гардид
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Доир ба таъриху фарҳанги Кӯшониён конфронси ҷумҳуриявӣ баргузор шуд
Маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» оғоз гардид
«КОРВОНИ КИТОБ-2026». Беш аз 6 ҳазор нусха китоб ба шаҳру ноҳияҳои минтақаи Кӯлоб ройгон тақдим мегардад
Дар мавзуи «Шинохти Мавлоно дар ҷаҳони муосир» ҳамоиши илмӣ доир шуд
Густариши ҳамкории фарҳангии Тоҷикистону Озарбойҷон баррасӣ гардид
Ҳайати Тоҷикистон дар Форуми 7-уми байналмилалии «Муколамаи байнифарҳангӣ» дар Боку иштирок намуд
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон дар Тоҷикистон озмуни ҷумҳуриявӣ оғоз мегардад
Дар Тоҷикистон Фестивали VIII байналмилалии театрҳои лӯхтак «Чодари хаёл» ҷамъбаст гардид
Оид ба омӯзиши Панҷакенти қадим конференсияи илмӣ баргузор мешавад
Дар Хоруғ муассисаҳои соҳаи фарҳанг навсозӣ мешаванд
