Тоҷикистон дар оянда барои ҳамлу нақли бор аз бандари «Туркменбошӣ» истифода менамояд

Май 3, 2021 11:21

ДУШАНБЕ, 03.05.2021 /АМИТ «Ховар/. Интизор меравад, ки дар оянда Тоҷикистон барои воридот ба ҷумҳурӣ ва баровардани бор аз он аз бандари баҳрии   «Турменбошӣ» истифода намояд. Масъалаи мазкур дар вохӯрии намояндагони нақлиёти Тоҷикистон ва Туркманистон, ки дар шакли маҷозӣ доир гардид, баррасӣ шуд.

Вазорати нақлиёти Тоҷикистон иттилоъ медиҳад, ки  дар мулоқот  масъалаҳои марбут ба ҳамкорӣ дар соҳаи нақлиёт матраҳ гардиданд.

Дар мулоқот ҳайатҳои Вазорати нақлиёти Тоҷикистон ва Агентии «Туркменавтоулаглари» ва Агентии «Туркмендемирёллари» масъалаҳои ҳамкории дуҷониба оид ба ҳамлу нақли байналмилалии автомобилӣ, роҳи оҳан, гузариши транзитӣ ва дигар масъалаҳои  ҷойдоштаро баррасӣ намуданд.

Ҷонибҳо ҳавасмандӣ ва омодагии худро ҷиҳати барқарор намудани ҳамкорӣ дар самти ҳамлу нақли байналмилалии автомобилӣ ва роҳи оҳан баён намуда, иброз доштанд, ки бо риояи ҳатмии талаботи эпидемиологӣ барои амалӣ намудани ҳамлу нақли дуҷониба ва транзит чораҳои зарурӣ роҳандозӣ хоҳанд кард.

АКСҲО аз Вазорати нақлиёти Тоҷикистон

Май 3, 2021 11:21

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст