Нуриддин Саид: Фарогирии аҳолӣ бо барномаҳои шабакаҳои давлатии телевизион дар пахши рақамӣ 72 фоизро ташкил медиҳад
ДУШАНБЕ, 22.07.2021 /АМИТ «Ховар»/. Фарогирии аҳолӣ бо барномаҳои шабакаҳои давалатии телевизион дар пахши рақамӣ ҳоло 72 фоизро ташкил медиҳад. Фоизи фарогирӣ дар пахши аналогӣ дар «Телевизиони Тоҷикистон» 99,72 фоиз, «Телевизиони Сафина»-92,70 фоиз, «Баҳористон»-89,01 фоиз ва «Ҷаҳоннамо»-78,96 фоиз мебошад. Дар ин бора имрӯз зимни нишасти матбуотӣ Раиси Кумитаи телевизион ва радиои назди Ҳукумати Ҷумҳурии Тоҷикистон Нуриддин Саид иттилоъ дод.
Мавсуф иброз намуд, ки барои таъмини телевизиони «Илм ва табиат» бо пахши HD фиристандаҳои рақамӣ дар шаҳри Душанбе, дар маҳали Тошработи вилояти Хатлон ва дар шаҳри Хуҷанди вилояти Суғд насб карда шуданд ва ҳоло фарогирии аҳолӣ бо барномаҳои телевизиони «Илм ва табиат» 51,2 фоизро ташкил медиҳад.
Директори МД «Ҷаҳоннамо» Садриддин Шамсиддинзода вобаста ба пахши рақамӣ иброз намуд, ки «МД «Ҷаҳоннамо» тасмим дорад то охири соли равон пурра ба пахши рақамӣ гузарад».
Зикр шуд, ки МД «Ҷаҳоннамо» дар ин шабу рӯз тавонистааст хабарҳои дохил ва хориҷи мамлакатро ба таври фаврӣ пахш намояд. Зеро дар ин муассиса гурӯҳҳои корӣ махсус ба забонҳои гуногуни ҷаҳон фаъолият доранд.
Дар нишасти матбуотӣ гуфта шуд, ки барои тадбиқи қарорҳои Ҳукумати Ҷумҳурии Тоҷикистон «Дар бораи таъсиси Муассисаи давлатии телевизиони «Сайёҳӣ ва ҳунарҳои мардумӣ» ва «Дар бораи таъсиси Муассисаи давлатии телевизиони «Шаҳнавоз», ки 30 июни соли 2021 ба тавсиб расидаанд, аз ҷониби Кумита тадбирҳои зарурӣ андешида мешаванд.
«Дар Кумита бори аввал даври якуми Озмуни ҷумҳуриявии «Фурӯғи субҳи доноӣ китоб аст» доир карда шуд, ки дар он беш аз 30 нафар кормандони воҳидҳои сохторӣ ширкат варзида, 10 нафар ба даври дуюми озмуни мазкур мазкур роҳ ёфтанд ва ба комиссияи ноҳиявии ноҳияи Исмоили Сомонӣ пешниҳод гардиданд», — афзуд Нуриддин Саид.
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
