Дар Суғд даври вилоятии Озмуни ҷумҳуриявии «Илм-фурӯғи маърифат» оғоз ёфт

Сентябрь 22, 2021 08:49

ДУШАНБЕ, 22.09.2021. /АМИТ «Ховар»/.  Имрӯз дар Мактаби президентӣ барои хонандагони болаёқати шаҳри Бӯстони вилояти Суғд даври вилоятии озмуни ҷумҳуриявии «Илм-фурӯғи маърифат» бо иштироки 878 нафар ғолибони даври шаҳрию ноҳиявӣ, ки аз он 576 нафарро хонандагони муассисаҳои таълимӣ, 213 нафарро донишҷӯёни донишгоҳҳои олӣ ва 89 нафарро омӯзгорон ва кормандони касбу кори гуногун ташкил медиҳанд, оғоз гардид, ки то 24 сентябр идома меёбад, иттилоъ дод ба АМИТ «Ховар» роҳбари Маркази таҳсилоти иловагии вилояти Суғд Фирдавс Ашӯрматов.

Барои ҳавасмандгардонии ғолибон тибқи қарори раиси вилояти Суғд барои ҷойи аввал 5 ҳазор сомонӣ, ҷойи дуввум 3 ҳазор сомонӣ ва ҷойи сеюм 2 ҳазор сомонӣ ҷоизаи пулӣ муқаррар шудааст. Ҳамчунин омӯзгорони ғолибони озмун аз ҳисоби хонандагони муассисаҳои таълимӣ ҳар нафар бо Сипосномаи Раиси вилояти Суғд ва мукофотпулӣ ба андозаи 2 ҳазор сомонӣ қадрдонӣ карда мешаванд.

8 нафар доварон аз Академияи миллии илмҳои Тоҷикистон ва гурӯҳи олимону  омӯзгорони пешқадами вилоят ба донишу малакаи хонандагон, донишҷӯён ва омӯзгорон баҳо мегузоранд.

Дар рӯзи аввали даври вилоятии озмун ғолибон аз шаҳрҳои Хуҷанд, Гулистон, Бӯстон ва ноҳияҳои Ҷаббор Расулов, Мастчоҳ, Спитамен қувваозмоӣ хоҳанд кард. Дар рӯзи дуюми озмун дастаҳои шаҳрҳои Исфара, Конибодом, Истиқлол ва ноҳияҳои Бобоҷон Ғафуров, Ашт, Зафаробод ва рӯзи сеюм дастаҳои шаҳрҳои Панҷакент, Истаравшан ва ноҳияҳои Айнӣ, Кӯҳистони Мастчоҳ, Шаҳристон ва Деваштич донишу маҳорати худро муаррифӣ хоҳанд намуд.

Озмуни ҷумҳуриявии «Илм-фурӯғи маърифат» нахустин бор бо иқдом ва сарпарастии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Рахмон баргузор мегардад. Озмуни мазкур ҷиҳати амалисозии Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илм ва маориф роҳандозӣ гардидааст. Ҳадафи асосӣ- рушди тафаккури техникӣ, васеъ намудани ҷаҳонбинии илмӣ, дастрасӣ ба техникаву техналогия, тавсеаи ихтироъкорӣ ва навоварӣ, пайвасти илм ба истеҳсолот, дарёфти истеъдодҳои нав ва ҷалби хонандагони муассисаҳои таҳсилоти миёнаи умумӣ, донишҷӯён ва омӯзгорону намояндагони касбу кори гуногун ба омӯзиши васеи фанҳои табиатшиносӣ, дақиқ ва риёзӣ мебошад.

Бояд гуфт, ки дар даври аввали озмун дар вилояти Суғд 82199 нафар довталаб, аз ҷумла 74 781 хонандагони муассисаҳои таълимӣ, 6237 донишҷӯён ва 1181 нафар омӯзгорон ва намояндагони касбу кори гуногун иштирок намуда, беҳтаринҳо ба даври шаҳриву ноҳиявӣ ва вилоятӣ роҳхат гирифтанд.

АКС аз шуъбаи иттилоот ва таҳлили Маркази таҳсилоти иловагии вилояти Суғд

Сентябрь 22, 2021 08:49

Хабарҳои дигари ин бахш

Байни Тоҷикистон ва Қазоқистон ҳамкории илмӣ дар соҳаҳои фалсафа, сиёсатшиносӣ, ҳуқуқ ва дин баррасӣ гардид
Дар Душанбе ҷаласаи XXXX Шурои ҳамкории фарҳангии Иттиҳоди Давлатҳои Мустақил баргузор гардид
«АТОИ САҲНА». Дар Осорхонаи миллии Тоҷикистон намоиши ҷашнӣ ифтитоҳ гардид
ЭМОМАЛӢ РАҲМОН — НАХУСТИН ҲИМОЯТГАРИ РАСМИЮ ДАВЛАТИИ «ШОҲНОМА». Андешаҳои шоҳномашинос Яъқуби Ясно дар ин маврид
Ҷаласаи навбатии Шурои ҳамкории фарҳангии ИДМ оғоз гардид
Ҳайати Тоҷикистон дар ҷаласаи конфронси генералии Агентии байналмилалии неруи атомӣ иштирок дорад
«ИЛМ-ФУРӮҒИ МАЪРИФАТ». Озмуни ҷумҳуриявӣ дар Суғд бо иштироки зиёда аз 1400 довталаб оғоз ёфт
Доир ба масоили равобити геосиёсӣ ва геоиқтисодӣ дар доираи лоиҳаи CASA-1000 конференсияи ҷумҳуриявӣ баргузор шуд
Дар Маркази илмии Хуҷанд ду озмоишгоҳи замонавӣ ба истифода дода шуд
Даври сеюми Озмуни ҷумҳуриявии «Илм – фурӯғи маърифат» оғоз гардид
ХОВАЛИНГ ТАЪРИХИ ЯКМИЛЛИОНСОЛА ДОРАД. Он барои илми ҷаҳонӣ чун маъхази бостоншиносӣ хизмат менамояд
Озмунҳои ҷумҳуриявӣ завқи кадбонугӣ ва анъанаҳои хӯрокпазии миллиро эҳё менамоянд