Дар сатҳи 8,7 фоиз рушд кардани ММД дар Тоҷикистонро Бонки ҷаҳонӣ ва Хазинаи байналмилалии асъор натиҷабахш арзёбӣ намуданд
ДУШАНБЕ, 06.10.2021 /АМИТ«Ховар»/. Тадбирҳои зиддибуҳронии андешидаи Ҳукумати Ҷумҳурии Тоҷикистон дар самти пешгирии таъсири хавфҳои эҳтимолӣ ба иқтисоди миллӣ ва масъалаи зиёд намудани ҳаҷми маблағгузории гурӯҳи Бонки ҷаҳонӣ ва Хазинаи байналмилалии асъор ба соҳаҳои афзалиятноки кишвар дар мулоқоти Вазири рушди иқтисод ва савдои Ҷумҳурии Тоҷикистон Завқӣ Завқизода бо Директори иҷроияи гурӯҳи Бонки ҷаҳонӣ оид ба Тоҷикистон хонум Катаржина Зайдел ва Директори иҷроияи Хазинаи байналмилалии асъор (ХБА) оид ба Тоҷикистон Петр Трабинский баррасӣ гардид, иттилоъ доданд ба АМИТ «Ховар» аз Вазорати рушди иқтисод ва савдои ҷумҳурӣ.
Завқӣ Завқизода афзуд, ки бо талошҳои созандаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва андешидани тадбирҳои зиддибуҳронӣ устувории макроиқтисодии кишвар таъмин гардид.
Намояндагони гурӯҳи Бонки ҷаҳонӣ ва ХБА дар сатҳи 8,7 фоиз рушд кардани Маҷмӯи маҳсулоти дохилиро натиҷабахш арзёбӣ намуданд.
Завқӣ Завқизода аз директорони иҷроияи гурӯҳи Бонки ҷаҳонӣ ва Хазинаи байналмилалии асъор хоҳиш намуд, ки ҷиҳати афзоиши дастгирии молиявӣ барои соҳаҳои иқтисоди миллӣ, инчунин расонидани кумакҳои техникӣ дар самти тақвияти низоми моделсозию дурнамосозии макроиқтисодӣ мусоидат намоянд, ки хуш пазируфта шуд.
Мусоҳибон омодагии худро ҷиҳати густариши минбаъдаи ҳамкорӣ дар самтҳои кам кардан ё пешгирӣ намудани таъсири хавфҳои эҳтимолӣ ба соҳаҳои иқтисоди миллӣ ва нигоҳ доштани устувории макроиқтисодӣ баён доштанд.
Аксҳо аз Вазорати рушди иқтисод ва савдои ҷумҳурӣ
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
