ОМОДАГӢ БА ЗИМИСТОН. Муассисаҳои таълимии ноҳияи Шаҳринав то имрӯз бо зиёда аз 300 тонна ангишт таъмин шудаанд
ШАҲРИНАВ, 11.10.2021 /АМИТ «Ховар»/. Дар ин рӯзҳо барои муассисаҳои таълимии ноҳияи Шаҳринав як тонна ангишти кони «Фон Яғноб»-и ноҳияи Айнӣ ба маблағи 830 сомонӣ ворид гардида истодааст. 50 муассисаи таълимӣ ва 8 муассисаи томактабии ин ноҳия бо ҶДММ «Ориён Эйр» барои сари вақт бо ангишти хушсифат таъмин гардидан шартнома баставу то имрӯз бо зиёда аз 300 тонна ангишт таъмин шудаанд, хабар дод мутахассиси шуъбаи маорифи ноҳияи Шаҳринав Парвиз Абдуллоев ба мухбири минтақавии АМИТ «Ховар».
Бояд гуфт, ки муассисаҳои таълимии ноҳияи Шаҳринав бо мақсади иҷрои нақшаи чорабиниҳои Вазорати маориф ва илми Ҷумҳурии Тоҷикистон оид ба амалӣ намудани Қарори Ҳукумати Ҷумҳурии Тоҷикистон «Дар бораи омодасозии саривақтии бахшҳои иқтисодӣ ва иҷтимоии кишвар ба фаъолияти мунтазам ва самаранок дар давраи тирамоҳу зимистони солҳои 2021-2022» тайёрии ҳамаҷониба мебинанд.
Имрӯзҳо дар муассисаҳои таълимии ноҳия захираи ҳезуми хушк ва шишабандӣ бомаром идома дорад. Дар муассисаҳои таълимӣ айни замон 779 адад печҳои аловӣ, 24 адад генератори барқӣ, 143 адад гармидиҳаки барқӣ ва 5 адад буғхона омодаи кор мебошанд.
Муассисаҳои таълимии ноҳия дар давраи тирамоҳу зимистони солҳои 2021-2022 ба 440,4 тонна ангишт, 393 куб ҳезум ва 1995 литр сӯзишвории дизелӣ эҳтиёҷ доранд, ки айни замон захиранамоӣ босуръат идома дорад.
Барои гузаронидани мавсими тирамоҳу зимистони солҳои 2021-2022 аз ҳисоби буҷети маҳаллӣ 465 005 сомонӣ маблағ ҷудо шудааст.
АКС: АМИТ «Ховар»
«Стратегияи миллии гуногунии биологии Ҷумҳурии Тоҷикистон барои соли 2030» баррасӣ гардид
«DIGITAL TAJIKISTAN 2026». Моҳи ноябр дар Душанбе форуми байналмилалӣ доир мешавад
Оид ба татбиқи Конвенсияи Созмони Милали Муттаҳид бар зидди коррупсия дар Ҷумҳурии Тоҷикистон вохӯрӣ доир шуд
Дар Бохтар Форуми байналмилалии сармоягузории «Хатлон Инвест – 2026» баргузор мешавад
Ҷамшед Нурмаҳмадзода: «Омори боэътимод заминаи муҳими банақшагирӣ, пешрафт ва қабули қарорҳои дуруст ба манфиати ҷомеа аст»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
