Дар шаҳри Турсунзода ду сардхонаи замонавӣ бо ғунҷоиши 1400 тонна маҳсулоти кишоварзӣ ба истифода дода шуданд

Ноябрь 18, 2021 10:03

ТУРСУНЗОДА, 18.11.2021. /АМИТ «Ховар»/. Дар Ҷамоати деҳоти ба номи Ҷӯра Раҳмонови шаҳри Турсунзода аз ҷониби Хоҷагии деҳқонии «Янгибоғ» сардхонаи нав бо ғунҷоиши 1000 тонна ва дар Хоҷагии деҳқонии «Исҳоқбобо-2008» сардхонаи замонавӣ барои нигоҳдории 400 тонна маҳсулоти кишоварзӣ мавриди баҳрабардорӣ қарор дода шуд, иттилоъ дод котиби матбуоти раиси шаҳри Турсунзода Фируз Холиқов ба хабарнигори минтақавии АМИТ «Ховар».

Сардхонаҳои замонавӣ бо мақсади иҷрои супоришҳои Пешвои миллат муҳтарам Эмомалӣ Раҳмон, ки зимни сафари кориашон ба шаҳри Турсунзода доир ба зиёд намудани сардхонаҳо барои нигоҳдории маҳсулоти кишоварзӣ, хусусан ангур дода буданд, бунёд гардиданд.

Дар тантанаи ифтитоҳи иншооти мазкур раиси шаҳри Турсунзода Парвиз Акрамзода иброз дошт, ки «сол то сол майдони токзор афзуда, нигоҳдории маҳсулот барои таъмини бозорҳои ватанию хориҷӣ аз масъалаҳои муҳим ба ҳисоб меравад. Айни замон дар шаҳри Турсунзода барои нигоҳдории 12000 тонна маҳсулоти кишоварзӣ сардхонаҳо мавҷуд буда, инчунин сохтмони сардхонаҳо барои беш аз 4000 тонна маҳсулоти кишоварзӣ идома дорад».

Бо мақсади таъмини бозори истеъмолӣ бо меваҳои хушсифати ватанӣ дар давраи зимистон дар сардхонаҳои шаҳри Турсунзода ангур, лимӯ ва хурмо нигоҳдорӣ карда мешаванд.

АКС: Мақомоти иҷроияи ҳокимияти давлатии шаҳри Турсунзода

Ноябрь 18, 2021 10:03

Хабарҳои дигари ин бахш

Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид
«ПРЕЗИДЕНТ — КАФИЛИ ДАВЛАТИ ҲУҚУҚБУНЁДУ ДЕМОКРАТӢ». Дар ин мавзуъ конференсияи ҷумҳуриявӣ доир шуд