Дар Узбекистон бахшида ба Рӯзи Президенти Тоҷикистон ҳамоиш доир гардид
ДУШАНБЕ, 15.11.2021 /АМИТ «Ховар»/. Дар Донишгоҳи иқтисоди ҷаҳон ва дипломатияи Ҷумҳурии Узбекистон бахшида ба Рӯзи Президенти Ҷумҳурии Тоҷикистон таҳти унвони “Дӯстиро завол нест: Пешвои миллат Эмомалӣ Раҳмон ва Президент Шавкат Мирзиёев — меъморони кохи муҳташами дӯстӣ” мулоқот доир шуд, ки дар он Раиси Федератсияи иттифоқҳои касабаи мустақили Тоҷикистон Маликшо Неъматзода маърӯза намуд, хабар медиҳад АМИТ “Ховар” бо истинод ба маркази матбуоти Федератсияи иттифоқҳои касабаи мустақили Тоҷикистон.
Дар ҳамоиш устодону донишҷӯёни ин донишгоҳ ва донишҷӯёни филиали дар Тошкандбудаи Институти муносибатҳои байналмилалии шаҳри Москва (МГИМО) иштирок намуданд.
Дар ҷаласа муовини якуми Раиси Маҷлиси миллии Ҷумҳурии Узбекистон, ҳамзамон Ректори Донишгоҳи иқтисоди чаҳон ва дипломатияи Ҷумҳурии Узбекистон Содиқ Сафоев сухан гуфт.
Зикр гардид, ки маҳз бо сиёсати хирадмандонаи Пешвои миллат муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёев имрӯз миёни ду кишвар муносибатҳои гуногунҷабҳа дар сатҳи баланд ба роҳ монда шудаанд. Содиқ Сафоев иброз дошт, ки маҳз муносибати дӯстонаи Сарварони ду давлат буд, ки дар муддати кӯтоҳ тамоми мушкилот ва масъалаҳои мавҷуда ҳал гардида, ба мардумони ҳарду кишвар шодию нишот оварда шуд.
Ҳамоиш дар шакли пурсишу посух доир гардида, донишҷӯён оид ба ҳолати кунунӣ ва дурнамои муносибатҳои ҳарду ҷумҳурии дӯст ба суолҳои худ ҷавобҳои мушаххас гирифтанд. Вохӯрӣ дар фазои дӯстона ва ҳусни тафоҳуми ҳамдигарӣ доир гардид.
Ёдовар мешавем, ки аз 10 ноябр инҷониб Раиси Федератсияи иттифоқҳои касабаи мустақили Тоҷикистон бо сафари корӣ дар Ҷумҳурии Узбекистон қарор дорад.
АКСҲО: маркази матбуоти ФИКМТ
Дар Панҷакент иншооти иҷтимоӣ ва хизматрасонӣ ифтитоҳ гардиданд
Ҳамкории Тоҷикистон бо Гурҷистон дар такмили низоми нафақа густариш меёбад
ОМОДАГӢ БА ЗИМИСТОН. Муассисаҳои тандурустии шаҳри Хуҷанд ба мавсими сармо ҳамаҷониба омода мешаванд
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
