Доир ба ҷамъбасти лоиҳаи грантӣ дар Донишкадаи давлатии фарҳанг ва санъати Тоҷикистон ҳамоиш доир шуд

Ноябрь 18, 2021 14:32

ДУШАНБЕ, 18.11.2021 /АМИТ “Ховар”/. 17 ноябр  дар Донишкадаи давлатии фарҳанг ва санъати Тоҷикистон ба номи Мирзо Турсунзода” дар доираи Лоиҳаи грантии “Тайёр намудани мутахассисони соҳаи воситаҳои ахбори оммаи электронӣ дар шароити гузариш ба низоми таҳсилоти кредитӣ” ҳамоиш доир шуд, ки дар он мушовирони байналмилалӣ аз муассисаҳои таҳсилоти олии шарики лоиҳа тариқи онлайн, мушовирони миллии лоиҳа ва устодону кормандони донишкада иштирок намуданд, иттилоъ доданд аз донишкадаи мазкур ба АМИТ “Ховар”.

Муовини ректори донишкада оид ба таълим Фарҳод Махсудзода баргузории ҳамоиши мазкурро судманд ва тақвиятбахшандаи равобити илмию фарҳангии тарафҳо арзёбӣ намуда, гуфт, ки “коршиносони байналмилалӣ аз Донишкадаи умумирусиягии кинематография ба номи С. Герасимов, Донишгоҳи санъат ва илми Ланҷоуи Ҷумҳурии Мардумии Чин, Донишгоҳи католикии Словакия, Донишгоҳи давлатии санъат ва маданияти Узбекистон ва коршиносони миллӣ аз Донишгоҳи  миллии Тоҷикистон, Донишгоҳи славянии Русия -Тоҷикистон ва МДТ “Донишкадаи давлатии фарҳанг ва санъати Тоҷикистон ба номи Мирзо Турсунзода” дар доираи созишномаи ҳамкорӣ аз 25 сентябри соли 2019 то имрӯз якҷо бо масъулони Лоиҳаи грантии “Тайёр намудани мутахассисони соҳаи воситаҳои ахбори оммаи электронӣ дар шароити гузариш ба низоми таҳсилоти кредитӣ” барои ба роҳ мондани ихтисосҳои нави “ВЕБ- журналистика”, “Иттилоот ва робита бо ҷомеа” дар таҳияи 4 стандарти таълимӣ ва 8 барномаи таълимӣ бо маслиҳату пешниҳодҳои судманди хеш саҳми сазовор гузоштанд”.

Менеҷери лоиҳа, декани факултети режиссура, кино ва телевизион, доктори илмҳои филология, профессор Зулфиддин Муъминҷонов маълумоти заруриро оид ба ҷамъбасти лоиҳаи татбиқшуда дар солҳои 2019-2021 пешниҳод намуда, иброз дошт, ки дар ин муддат силсилачорабиниҳо баргузор гардиданд. Гуфта шуд, ки 11 феврали соли 2021 дар ҳузури намояндагони воситаҳои ахбори омма Студияи таълимии телевизион ва радио, озмоишгоҳҳои танзимгарӣ ва забономӯзии ихтисосии муҷаҳҳаз бо технологияи рақамии замонавӣ ба фаъолият шурӯъ намуданд.

Ёдовар мешавем, ки бо дастгирии Ҳукумати Ҷумҳурии Тоҷикистон, Бонки ҷаҳонӣ, Вазорати маориф ва илми Ҷумҳурии Тоҷикистон дар доираи татбиқи лоиҳаи   грантӣ донишкада соҳиби Студияи таълимии телевизион ва радио, озмоишгоҳҳои танзимгарӣ ва забономӯзии ихтисосии муҷаҳҳаз бо технологияи рақамии замонавӣ гардид.

Иштирокдорони ҳамоиш ҷамъбасти татбиқи лоиҳаи грантии “Тайёр намудани мутахассисони соҳаи воситаҳои ахбори оммаи электронӣ дар шароити гузариш ба низоми таҳсилоти кредитӣ”-ро натиҷагирӣ намуда, ба хулоса омаданд, ки татбиқи чунин лоиҳаҳо дар амалӣ гардондани сиёсати давлатӣ ва тарбияи мутахассисони ояндаи соҳаи фарҳанг ва санъат нақши калидӣ мебозад.

АКСҲО: Донишкадаи давлатии фарҳанг ва санъати Тоҷикистон

Ноябрь 18, 2021 14:32

Хабарҳои дигари ин бахш

Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст