Конфронси Ассотсиатсияи байналмилалии академияҳои полис – «ИНТЕRPA» дар шаҳри Анталия доир шуд

ДУШАНБЕ, 13.11.2021 /АМИТ «Ховар»/. Бо даъвати роҳбари Президенти Ассосиатсияи байналмилалии Академияҳои полис (ИНТЕRPA) сардори Академияи Вазорати корҳои дохилии Ҷумҳурии Тоҷикистон, генерал-майори милитсия Файзалӣ Шарифзода дар конфронси 10-уми INTERPA дар шаҳри Анталияи Туркия иштирок намуд, хабар доданд аз Вазорати корҳои дохилии Ҷумҳурии Тоҷикистон ба АМИТ «Ховар».

11 ноябр ҳайати намояндагони расмии давлатҳои гуногун, ки теъдодашон зиёда аз 40 нафар буд, дар меҳмонхонаи Limak Atlantis Belek-и Анталия ҷамъ омаданд.

Мавзӯи ҳамоиш «Таъсири пандемияи COVID-19 ба фаъолияти политсия ва муассисаҳои таълимии мақомоти корҳои дохилӣ» буда, маърӯзаҳои ҳамаи иштироккунандагони конфронси байналмилалӣ маҳз ба ин мавзӯъ бахшида шуда буд.

Ташаббускори таъсиси чунин ассотсиатсияи байналмилалӣ Академияи миллии политсияи Туркия буда, он моҳи июли соли 2011 дар шаҳри Истанбул созмон ёфтааст. Дар ибтидои созмонёбӣ ба «INTERPA»  23 давлати Осиёву Аврупо, аз ҷумла Академияи ВКД Ҷумҳурии Тоҷикистон низ аъзо буданд. Ҳоло беш аз 100 давлат аъзои ин созмони байналмилалӣ мебошанд.

Яке аз омилҳои ҳалкунандаи муборизаи муваффақона бар зидди ҷинояткорӣ- ин омода намудани кадрҳои баландихтисоси соҳаи политсия мебошад. Аз ин лиҳоз, зарурати муборизаи муштарак ва дастаҷамъона бар зидди олами ҷиноят ба миён омадааст. Маҳз ҳамин зарурат буд, ки заминаи таъсис ёфтани Ассотсиатсияи байналмилалии Академияҳои полис — «INTERPA» гардид.

АКС: ВКД ҶТ