Ғояҳои созандагӣ, таҳаммулпазирӣ ва хислатҳои ҳамидаи инсониро тарғиб менамоем, — бардошт аз машварати КИ ҲХДТ дар Хатлон

Ноябрь 12, 2021 11:10

ДУШАНБЕ, 12.11.2021 /АМИТ «Ховар»/. 11 ноябр дар Кумитаи иҷроияи ҲХДТ дар вилояти Хатлон дар мавзӯи «Муқовимат ба маводи муғризона» машварат баргузор гардид, ки дар он чанд нафар аъзои гурӯҳи вокунишгарони назди кумитаҳои иҷроияи ҲХДТ дар шаҳру ноҳияҳои вилояти Хатлон иштирок доштанд, хабар доданд аз шуъбаи иттилоот ва матбуоти КИ ҲХДТ дар вилояти Хатлон ба АМИТ «Ховар».

Раиси Кумитаи иҷроияи Ҳизби Халқии Демократии Тоҷикистон дар вилояти Хатлон Қиёмиддин Миралиён иброз дошт, ки дар самти пешгирӣ ва мубориза бо зуҳуроти экстремистиву террористӣ аз фаъолон ва ҷонибдорони ҳизб умеди калон доранд. Аз ҷумла, мақсад аз ташкили машварати мазкур низ тақвият бахшидани кори гурӯҳҳои фаъоли ҷомеа дар ин самт мебошад. Мавқеъгирии фаъолон ва вокуниш нишон додан нисбат ба гурӯҳҳои иғвоангез дар ташаккули афкори ҷомеа ва воқифгардонии сокинон аҳамияти муҳим дорад. Кумитаи иҷроияи ҲХДТ дар вилояти Хатлон бо таъсиси саҳифаи вокунишҳо ва арзу шикоятҳо дар ин самт мусоидат намуда, ҳамзамон дар ҳалли дигар мушкилиҳои ҷомеа саҳм мегузорад.

«Дар муқовимат бар зидди ҳаракатҳои иртиҷоӣ мо бояд мушоҳидакор буда, зиракии сиёсиро пешаи худ намоем. Мо, фаъолони соҳаи идеология, дар ин ҷода бояд пешоҳанг бошем, зеро ҳадафи олии ҳизби мо маҳз таъмини зиндагии шоистаи мардум аст», – гуфт Қиёмиддин Миралиён.

Зикр гардид, ки дар ҷомеа гурӯҳи одамоне мушоҳида мешаванд, ки доимо аз пайи шикоят буда, бо баъзе гуфторҳои нобоваронаи худ нисбат ба ояндаи нек ба афкори хушбинонаи ҷомеа таъсири манфӣ мерасонанд. Аз ин рӯ, мо фаъолони ҷомеаро мебояд, ки дар баробари муқовимати идеологӣ алайҳи гурӯҳҳои иртиҷоӣ, ҳамчунин ғояҳои созандагӣ, таҳаммулпазирӣ ва дигар хислатҳои ҳамидаи инсониро тарғиб намоем.

                             АКС: КИ ҲХДТ дар вилояти Хатлон

Ноябрь 12, 2021 11:10

Хабарҳои дигари ин бахш

Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид