«ЭКОЛОГИЯ — КОРИ ҲАР НАФАР АСТ». Нигина Назарова аз Тоҷикистон соҳиби Ҷоизаи байналмилалии кӯдакон ва наврасон гардид

Декабрь 8, 2021 13:33

ДУШАНБЕ, 08.12.2021 /АМИТ «Ховар»/. Хонандаи синфи 10 Литсейи Президентӣ барои кӯдакони болаёқати шаҳри Душанбе Нигина Назарова соҳиби Ҷоизаи байналмилалии кӯдакон ва наврасон «Экология — кори ҳар нафар аст» дар номинаи «Экология дар ҷаҳон» гардид, иттилоъ медиҳад АМИТ «Ховар» бо истинод ба сомонаи  https://экологияделокаждого.рф.

Озмуни мазкур аз ҷониби Хадамоти федералии назорати идоракунии муҳити зисти Федератсияи Русия  «Росприроднадзор» ташкил карда шуд, ки ба он Нигина Назарова дар мавзӯи «Экология — кори ҳар нафар аст» тариқи онлайн гузориши видеоӣ пешниҳод намуд.

Озмуни мазкур 25 ноябр дар шаҳри Москва тариқи конфронси онлайнӣ ҷамъбаст гардид. Ҳайати ҳакамон қариб 200 нафарро ба ҷоиза пешбарӣ намуд: 96 нафари онҳо аз рӯи 12 номина ҷойҳои якум, дуюм ва сеюмро ишғол карданд, 4 ҷоиза ба журналистон дода шуда, 86 нафар иштирокчӣ бо мукофотҳои махсус сарфароз гардонида шуданд.

Бояд гуфт, ки ҷоизаи «Росприроднадзор» лоиҳаи барҷастаест, ки ҳадафи асосии он баланд бардоштани маърифати экологии ҷавонон, ҷалби кӯдакону наврасон ба барномаи экологӣ ва дастгирии фаъолияти экологии онҳо мебошад. Озмун миёни наврасони аз 7 то 16-сола гузаронида мешавад.

Дар озмун наврасон тариқи онлайн аз 21 давлати ҷаҳон — Перу, Беларус, Панама, Тоҷикистон, Узбекистон, Мексика, Ҳидустон, Чин ва Колумбия иштирок намуда, соҳиби ҷоизаҳо гардиданд.

АКС: АМИТ «Ховар»

Декабрь 8, 2021 13:33

Хабарҳои дигари ин бахш

Кормандони мақомоти милитсияи шаҳри Душанбе ба тамошои Осорхонаи миллии Тоҷикистон рафтанд
Бахшида ба Рӯзи байналмилалии ҳифзи ёдгориҳои таърихию фарҳангӣ конференсияи илмӣ-назариявӣ доир мешавад
Дар Москва ба муносибати 25-солагии таъсиси Ташкилоти заминавии кор бо забонҳо ва фарҳангҳои кишварҳои ИДМ чорабинӣ баргузор гардид
Дар шаҳри Гулистон Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз ёфт
Дар вилояти Хатлон Фестивали ҷумҳуриявии «Ҳафтаи китоби кӯдакону наврасон» оғоз гардид
Имрӯз дар Тоҷикистон Рӯзи байналмилалии китоб таҷлил мегардад
Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз мегардад
Масъалаи баргузории Рӯзҳои фарҳанги Ҷумҳурии Тоҷикистон дар Ҷумҳурии Қирғизистон баррасӣ шуд
Аъҷубасозӣ як бахши ҳунари кулолӣ ва сохтани бозичаҳо аз гилу сафол мебошад
Дар вилояти Суғд бо иштироки меҳмонон аз Узбекистон ва Қирғизистон ҳамоиши фарҳангӣ баргузор гардид
МУЖДАИ НАВРӮЗӢ. «Ёддоштҳо»-и устод Айнӣ барои ҳамзабонони эронӣ ба нашр расид
Бахшида ба Соли фарҳанги китобхонӣ дар вилояти Хатлон китоби «Наврӯзномаи Хатлон» ба табъ расид