БОМКА ба муҷаҳҳазгардонии инфрасохтори замонавии мақомоти гумруки Тоҷикистон мусоидат менамояд
ДУШАНБЕ, 02.12.2021 /АМИТ «Ховар»/. Масъалаҳои рушди ҳамкории мутақобилан судманд миёни мақомоти гумруки Ҷумҳурии Тоҷикистон ва Барномаи мусоидат дар идоракунии сарҳадот дар Осиёи Марказӣ /БОМКА-10/ дар мулоқоти муовини сардори Хадамоти гумруки назди Ҳукумати Ҷумҳурии Тоҷикистон, генерал – майори хадамоти гумрук Хуршед Шерализода бо намояндагони БОМКА-10 дар Душанбе баррасӣ гардид.
Аз Хадамоти гумруки назди Ҳукумати ҷумҳурӣ ба АМИТ «Ховар» иттилоъ доданд, ки мусоҳибон масъалаҳои тавсеаи ҳамкории мақомоти гумруки Тоҷикистон бо БОМКА-10-ро дар бахшҳои модернизатсиякунонии мақомоти гумрук, таҷҳизонидани хадамоти гумрук бо техникаи муосир, бехатарии интиқоли молу воситаҳои нақлиёт аз сарҳад дар давраи пандемияи COVID-19 ва ҳамоҳанг намудани нақшаи кории барномаи (БОМКА-10) барои соли 2022 баррасӣ намуданд.
Ҳамчунин гуфтугӯи судманд доир ба масоили амнияту суботи минтақа, алалхусус вазъ дар Афғонистон, хатари терроризму ифротгароӣ ва дигар масоили мубрам сурат гирифт.
Барномаи БОМКА соли 2003 таъсис ёфта, марҳилаҳои он ба баланд бардоштани иқтидор ва рушди институтсионалӣ, рушди долонҳои тиҷоратӣ, такмили низоми идоракунии сарҳад ва пешгирии интиқоли қочоқи маводи мухаддир дар минтақаи Осиёи Марказӣ равона карда шудаанд. Ҳар марҳилаи минбаъда бо назардошти зарурати таҳияи марҳилаҳои қаблӣ омода гардида, дар марҳилаҳои қаблии Барнома таваҷҷуҳ ба муҷаҳҳазгардонии инфрасохтори замонавии идоракунии сарҳад нигаронида шудааст.
АКС: Хадамоти гумруки назди Ҳукумати ҶТ
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
