Дар давраи таътил дар Суғд озмуни вилоятии «Китобхони беҳтарин» гузаронида мешавад
ДУШАНБЕ, 04.12.2022. /АМИТ «Ховар»/. Дар давраи таътили зимистона бо ибтикори Маркази таҳсилоти иловагии вилояти Суғд озмуни вилоятии «Китобхони беҳтарин» баргузор мегардад, ки ҳадафи он ҷалби бештари кӯдакону наврасон ба китобу китобхонӣ, дарёфти истеъдодҳо, ғанигардонии ҷаҳони маънавии насли наврас, рушди малакаю қобилияти зеҳнии кӯдакон мебошад.
Тавре аз хадамоти матбуоти вилояти Суғд ба АМИТ «Ховар» хабар доданд, озмуни мазкур тибқи низомнома дар ду категорияи синну солӣ — кӯдакони то 14-сола ва наврасони аз 14-сола боло баргузор карда мешавад.
Ҳайати ҳакамон ба теъдоди ашъори ҳифзкарда, маънидод кардани шеъри хондашуда, шарҳи луғатҳо ва ба маҳорати хондани шеър баҳо мегузоранд. Даври аввали озмун 5-6 январ дар марказҳои таҳсилоти иловагии шаҳру ноҳияҳои вилоят бо иштироки ҳаводорони каломи бадеъ, хонадагони муассисаҳои таълимӣ, аъзои маҳфилҳои муассисаҳои таҳсилоти иловагӣ баргузор гардида, ғолибон муайян ва ба даври вилоятӣ роҳ дода мешаванд. Даври вилоятии озмун 7 январ дар Маркази таҳсилоти иловагии вилоят баргузор мегардад.
Тамоми иштирокчиёни даври вилоятии озмун бо Ифтихорномаи Маркази таҳсилоти иловагии вилояти Суғд қадршиносӣ шуда, ба ғолибон Дипломи ифтихории Раёсати маорифи вилоят ва туҳфаҳои хотиравӣ супорида мешаванд.
АКС аз Хадамоти матбуоти вилояти Суғд
Дар Душанбе рӯзҳои фарҳанги вилоятҳои Хатлону Суғд, ноҳияҳои Ванҷ, Шуғнон ва Рӯшон баргузор мегарданд
«ИЛМ — ФУРӮҒИ МАЪРИФАТ». Малакаи котибони озмун барои кор бо портали электронӣ такмил дода мешавад
Оид ба вазъ ва дурнамои хизматрасонӣ ба истифодабарандагон дар китобхонаҳо ҳамоиш доир шуд
Дар Душанбе Рӯзи фарҳанги ноҳияи Варзоб баргузор шуд
Дар Душанбе Рӯзи фарҳанги ноҳияи Муъминобод шукуҳманд баргузор гардид
Имрӯз дар боғҳои пойтахт рӯзҳои фарҳанги шаҳри Роғун, ноҳияҳои Варзоб ва Муъминобод баргузор мегарданд
Рӯзи фарҳанги ноҳияи Шамсиддин Шоҳин дар Душанбе баргузор гардид
Рӯзи фарҳанги ноҳияҳои Тоҷикободу Нуробод бо шукуҳу шаҳомати хос баргузор шуд
35-СОЛАГИИ ИСТИҚЛОЛИ ДАВЛАТӢ ВА ОСОРХОНАИ МИЛЛӢ. Нақши ин ниҳод дар ҳифзу муаррифии дастовардҳои истиқлол муҳим аст
Имрӯз дар боғҳои Душанбе рӯзҳои фарҳанги ноҳияҳои Шамсиддин Шоҳин, Тоҷикобод ва Нуробод баргузор мегарданд
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 228 нафар хатм намуданд
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
