Дар ноҳияи Деваштич фаъолияти фермаҳои мурғпарварию чорводорӣ вусъат меёбад
ДУШАНБЕ, 15.01.2022 /АМИТ «Ховар»/. Раиси вилояти Суғд Раҷаббой Аҳмадзода дар ноҳияи Деваштич бо фаъолияти фермаҳои мурғпарварию чорводорӣ шинос гардид, хабар медиҳад АМИТ “Ховар” бо истинод ба Хадамоти матбуоти Раиси вилояти Суғд.
Тавре зимни боздид иттилоъ дода шуд, дар фермаи мурғпарварии Ҷамъияти дорои масъулияти маҳдуди «Ҳоҷӣ Рауф” беш аз 16 ҳазор сар паранда барои истеҳсоли тухм нигоҳубин карда шуда, соли гузашта 858 ҳазор дона тухм истеҳсол шудааст.
Фермаи мазкур аз се қисмат иборат буда, ҳарсе пурра фаъолият доранд ва дар он 7 нафар бо ҷойи кори доимӣ таъмин мебошанд.
Дар фермаи соҳибкор Шомурод Шобаротов 50 сар моли калони шохдор барои истеҳсоли гӯшт парвариш мешаванд.
Дар фермаи дигар, ки аз тарафи соҳибкор Ҳамдам Сиддиқов сохта шудааст, парвариши 120 сар чорвои калони зоти “Симентал” барои гӯшт ба роҳ монда шудааст.
Раиси вилоят ташкили чунин фермаҳоро барои таъмини аҳолӣ бо маҳсулоти хоҷагии қишлоқ, аз ҷумла тухм ва гӯшт муҳим арзёбӣ карда, барои беҳтар намудани фаъолият ва зиёд намудани саршумори чорвою паранда ба масъулин супоришҳо дод.
АКСҲО: Хадамоти матбуоти Раиси в. Суғд
Дар шаҳри Душанбе ҷашни Меҳргон таҷлил мегардад
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
