Гардиши мол миёни Тоҷикистон ва Туркманистон 2,7 баробар афзуд
ДУШАНБЕ, 25.01.2022 /АМИТ «Ховар»/. Гардиши мол миёни Тоҷикистон ва Туркманистон дар 11 моҳи соли гузашта 18,1 миллион долларро ташкил дод, ки нисбат ба ҳамин давраи соли 2020 2,7 баробар бештар аст. Тавре АМИТ «Ховар» хабар медиҳад, ин рақам аз маълумоти Агентии омори назди Президенти Ҷумҳурии Тоҷикистон, ки зимни муҳокимаи Созишнома миёни ҳукуматҳои Тоҷикистон ва Туркманистон оид ба ҳамкорӣ дар соҳаи нақлиёти роҳи оҳан дар ҷаласаи навбатии Шӯрои Маҷлиси намояндагони Маҷлиси Олии Ҷумҳурии Тоҷикистон пешниҳод гардид, бармеояд.
Тавре котиби матбуоти Маҷлиси намояндагон Муҳаммадато Султонов ба АМИТ «Ховар» хабар дод, тасдиқи созишнома ба баланд шудани сатҳи хизматрасонии нақлиётии байналмилалӣ, содирот, воридот ва транзити молҳо тавассути роҳи оҳан миёни Тоҷикистон ва Туркманистон, таҳкими ҳамкории дуҷониба, афзоиши гардиши молу маҳсулот миёни ду кишвар, кушодани роҳҳои оҳан ба кишварҳои дигари аврупоӣ бо истифода аз роҳҳои оҳани транзитӣ ва бандари Туркманбошии Туркманистон тавассути баҳри Хазар, инчунин ноил шудан ба яке аз ҳадафҳои стратегии кишвари мо –баромадан аз бунбасти коммуникатсионӣ мусоидат мекунад.
Кумитаҳои Маҷлиси намояндагон дар хулосаҳои худ аз тасвиби ин созишнома ҷонибдорӣ карданд.
Ёдовар мешавем, ки Созишнома 4 августи соли 2021 (АКС) оид ба натиҷаҳои музокироти сатҳи баланд дар Ашқобод дар ҷараёни сафари давлатии Сарвари давлати Тоҷикистон ба Туркманистон ба имзо расид. Сарони давлатҳо Эмомалӣ Раҳмон ва Қурбонгулӣ Бердимуҳаммадов ба ҷонибдории андешидани тадбирҳо ҷиҳати татбиқи Барномаи байниҳукуматии ҳамкории тиҷоратию иқтисодӣ то соли 2023, таҳияи Харитаи роҳ барои рушди тиҷорат барои ду соли оянда, инчунин истифодаи васеи имконияти бандари байналмилалии баҳрии Туркманбошӣ ва маркази логистикии Тоҷикистон барои боркашонии транзитӣ ба манфиати ҳарду кишвар изҳори назар намуданд.
АКС: Хадамоти матбуоти Президенти ҶТ/АМИТ «Ховар»
Сокинони ноҳияи Панҷ дар заминҳои наздиҳавлигӣ бештар картошка кишт намудаанд
Дар Душанбе вохӯрии роҳбарони мақомоти олии аудити давлатҳои аъзои Созмони ҳамкории Шанхай баргузор гардид
Ҳайати комиссияи ҳукуматӣ бо мавзеъҳои сабзазоркунии вазорату идораҳо дар Душанбе ва навоҳии атрофи он шинос шуд
Дар Тоҷикистон ҷамъоварии пиёзи барвақтӣ оғоз мешавад
Дар Душанбе вохӯрии ҳафтуми роҳбарони мақомоти олии аудити давлатҳои аъзои Созмони ҳамкории Шанхай баргузор мегардад
Ҳайати расмии Бонки ҷаҳонӣ бо ҷараёни корҳои сохтмонӣ дар Неругоҳи барқи обии «Роғун» шинос шуд
Анна Бйерде: «Бонки ҷаҳонӣ сохтмони Неругоҳи барқи обии «Роғун»-ро пуштибонӣ менамояд»
Кишоварзони хоҷагиҳои деҳқонии Ҷамоати деҳоти Сӯҷинаи шаҳри Панҷакент дар 380 гектар картошка кишт менамоянд
Дар Тоҷикистон бар зидди хуруҷи малах чӣ гуна мубориза мебаранд?
Дар Душанбе ҷараёни татбиқи ислоҳоти бахши энергетикии Тоҷикистон баррасӣ гардид
Дар Тошканд тавсеаи ҳамкории байнибонкии Тоҷикистон ва Узбекистон баррасӣ шуд
Раванди татбиқи лоиҳаҳои стратегӣ дар мулоқот бо ҳайати Хазинаи Байналмилалии Асъор баррасӣ шуд
