Раиси Кумитаи бехатарии озуқавории Тоҷикистон бо директори Агентии карантин ва ҳифзи растании Узбекистон вохӯрӣ намуд
ДУШАНБЕ, 28.01.2022 /АМИТ «Ховар»/. 27 январ дар Узбекистон зимни сафари корӣ раиси Кумитаи бехатарии озуқавории назди Ҳукумати Ҷумҳурии Тоҷикистон Муҳаммадсаид Файзуллозода бо директори Агентии карантин ва ҳифзи растании Ҷумҳурии Узбекистон Иброҳим Эргашев вохӯрӣ намуд, хабар доданд ба АМИТ «Ховар» аз Кумитаи бехатарии озуқаворӣ.
Дар мулоқот ҳамчунин Сафири Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода, ки ҳайати Тоҷикистонро ҳамроҳӣ менамояд, иштирок намуда, ҷонибҳо доир ба истифодаи имконияти васеи ҳамкорӣ миёни ду мамлакат дар самти карантин ва ҳифзи растанӣ изҳори назар намуданд.
Зимни мулоқот ба ҳайати Ҷумҳурии Тоҷикистон имконияти агентӣ, аз ҷумла фаъолияти лабораторияи муосир, лабораторияи сайёр, назорати инспекторон дар фурудгоҳу гузаргоҳҳои сарҳадӣ пешниҳод карда шуд.
Ҳамзамон тарафҳо омодагии хешро оид ба мубодилаи таҷриба дар самти барномаву системаҳои компютерӣ барои ҳифзи растанӣ, бозомӯзии мутахассисон, кумаки техникӣ ва ғайра иброз намуданд. Ҷониби Узбекистон ҳайати Тоҷикистонро барои иштирок дар кори ҷаласаи Шӯрои ҳамоҳангсозӣ оид ба карантини растаниҳои давлатҳо-иштирокчиёни Иттиҳоди Давлатҳои Мустақил, ки дар шаҳри Тошканд дар назар аст, даъват намуд.
АКСҲО: Кумитаи бехатарии озуқаворӣ
Татбиқи «Стратегияи Бонки Осиёии Рушд барои Тоҷикистон дар давраи солҳои 2026–2030» оғоз мегардад
Дар шаҳри Кӯлоб таҳти раёсати Сарвазири Ҷумҳурии Тоҷикистон ҷаласаи корӣ баргузор шуд
Шумораи умумии субъектҳои хоҷагидор дар Тоҷикистон ба 381 ҳазор адад расид
Ҳайати Туркманистон барои иштирок дар ҷаласаи Комиссияи муштараки байниҳукуматии Тоҷикистон ва Туркманистон ба Душанбе омад
Сарвазири Тоҷикистон дар ноҳияи Мир Сайид Алии Ҳамадонӣ бо корҳои созандагию ободонӣ шинос гардид
Байни шаҳрҳои Душанбе ва Тошканд хатсайри нави нақлиётии байналмилалӣ фаъол карда шуд
Таҳкими ҳамкории дуҷониба ва рушди бахши молиявӣ байни Тоҷикистон ва Бонки ҷаҳонӣ баррасӣ гардид
«Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2026-2030» амалӣ мешавад
Моҳи май дар шаҳри Бохтар Форуми сайёҳии «Хатлон – 2026» баргузор мешавад
Ҷаласаи гурӯҳи кории Шурои роҳбарони Палатаи савдо ва саноати Иттиҳоди Давлатҳои Мустақил доир гардид
Тоҷикистон ва Миср ҳамкориро дар соҳаҳои дорусозӣ, нассоҷӣ ва мошинсозӣ густариш медиҳанд
Тавсеаи ҳамкории дуҷонибаи сармоягузорӣ ва тиҷоратӣ байни Тоҷикистон ва Миср баррасӣ гардид
