Соҳибкорони Ванҷ дар пайравӣ ба ташаббусҳои Пешвои миллат дар рушди устувор ва ободии ноҳия саҳм мегузоранд

Январь 24, 2022 08:30

ДУШАНБЕ, 24.01.2022. /АМИТ «Ховар»/. Бо ташаббуси Кумитаи рушди сайёҳии назди Ҳукумати Ҷумҳурии Тоҷикистон дар партави дастуру ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар Паёми навбатиашон ба Маҷлисӣ Олӣ иброз доштанд, ҷиҳати равнақ бахшидан ба корҳои ободонию созандагӣ ва зебо гардонидани ҳар гӯшаи зебоманзари диёрамон мизи мудаввар баргузор гардид.

Дар ҳамоиш Раиси Кумитаи рушди сайёҳӣ Тоҷиддин Ҷӯразода, муовини Раиси Маҷлиси намояндагони Маҷлиси Олии Ҷумҳурии Тоҷикистон Қодири Қосим, Раиси ноҳияи Ванҷ Одинашо Мардзода, соҳибкорони муваффақ ва фаъоли ноҳияи Ванҷ, ки дар пойтахт ва дигар минтақаҳои мамлакат фаъолият доранд, иштирок карданд.

Раиси Кумитаи рушди сайёҳӣ ҳадафи гирд овардани соҳибкорон ва шахсони баруманди ноҳияи Ванҷро шарҳ дода, зарурати боз ҳам тақвият бахшидани раванди омодагиро ба таҷлили 35-солагии Истиқлолияти давлатии Ҷумҳурии Тоҷикистон ва татбиқи босамари ташаббуси Пешвои миллат вобаста ба Солҳои рушди саноат эълон гардидани солҳои 2022–2026 тавассути бунёду роҳандозии корҳои ободонӣ, сохтмони иншооти иҷтимоӣ, аз қабили боғчаҳои томактабӣ, мактабҳо, толорҳо ва майдончаҳои варзишӣ ва корхонаҳои саноатию агросаноатиро таъкид ва масъалаҳоро мавриди таваҷҷуҳи иштирокдорони ҷаласа пешниҳод намуд.

Дар ҷаласа ҳамзамон муовини Раиси Маҷлиси намояндагон Қодири Қосим ва Раиси ноҳияи Ванҷ Одинашо Мардзода сухан карда, аз соҳибкорон даъват ба амал оварданд, ки бо дарназардошти имконияту ҷалби бештари соҳибкорони муваффақ ва сокинони саховатпешаи ин минтақа дар татбиқи ҳадафи олии кишвар – баланд бардоштани сатҳи зиндагии аҳолӣ ва пешрафти иқтисодию иҷтимоӣ тамоми неруи мавҷударо сафарбар карда, саҳми муносиб гузоранд.

Ҳоло дар минтақаҳои дурдасти ноҳияи Ванҷ аҳолии маҳаллӣ ба рушди инфрасохтори иҷтимоӣ, аз ҷумла меҳмонхонаву ошхонаҳо, марказҳои хизматрасонӣ, шароити мусоиди таълимӣ, дар иншооти варзишӣ, боғчаҳо, марказҳои фароғатӣ, сартарошхонаву кошонаи ҳусн, ҳаммом ва бунгоҳҳои тиббӣ ниёзи бештар доранд ва соҳибкорон имкон доранд бо корҳои бунёдӣ дар ин самт ташаббускор бошанд.

Тазаккур дода шуд, ки маҳз дар доираи нақшаи чорабиниҳо ба муносибати ҷашни 30-солагии Истиқлолияти давлатӣ дар ноҳияи Ванҷ 86 иншоот ба нақша гирифта шуда, то имрӯз 84 иншоот бунёд ва ба истифода дода шудаанд. Дар ду иншооти дигар корҳои сохтмонӣ идома доранд.

Дар ин давра инчунин бо ташаббуси соҳибкорон ва сокинони маҳаллӣ боз ба таври иловагӣ даҳҳо иншооти иҷтимоиву хизматрасонӣ бунёд гардиданд, ки дар онҳо барои сокинон садҳо ҷойи нави корӣ таъсис дода шуданд.

Ба ҳамаи шахсони саховатпеша, соҳибкорону сармоягузорон ва мардуми ноҳия, ки дар корҳои ободониву бунёдкорӣ саҳм гузоштаанд, миннатдорӣ баён карда шуд.

АКС: Кумитаи рушди сайёҳӣ

Январь 24, 2022 08:30

Хабарҳои дигари ин бахш

Дар маҳаллаи «Сабзазор»-и пойтахт беш аз 1 км роҳи дохили маҳалла мумфарш карда шуд
Дар Хуҷанд Маҷмааи бисёрошёнаи «Темурмалик» бунёд карда мешавад
78 хоҷагии минтақаи манзилии №4-и шаҳри Норак бо оби нӯшокӣ таъмин гардид
Дар Муъминобод бахшида ба 34-солагии Истиқлолияти давлатии Ҷумҳурии Тоҷикистон ҳамоиши илмӣ-фарҳангӣ баргузор шуд
Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Беш аз 5 километр роҳҳои дохилии маҳаллаи «40-солагии Дилварзин» мумфарш карда мешаванд
ИСТИҚЛОЛИЯТ — ФАЙЗУ БАРАКАТ ВА НУРУ ЗИЁ БА ХОНАДОНИ ҲАР ФАРДИ ТОҶИКИСТОН. Андешаҳои Пешвои миллат доир ба истиқлоли тоҷикон
Хиради омӯзгор ҷаҳлу хурофотро аз байн мебарад ва сарчашмаи комёбиҳо мегардад, — бардошт аз ҳамоиш дар вилояти Хатлон
Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Доир ба заминаҳо, таҳаввулот ва дурнамои Истиқлоли давлатӣ машварати илмӣ-назариявӣ баргузор шуд
Дар ноҳияи Рӯшон майдончаҳои варзишӣ ба истифода дода шуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд