Собиқ Президенти Афғонистон Ашраф Ғанӣ сактаи мағзи сар шуд
ДУШАНБЕ, 25.01.2022 /АМИТ «Ховар»/. Собиқ Президенти Афғонистон Ашраф Ғанӣ дар Абу-Забӣ сактаи мағзи сар шуд. Тавре агентии REGNUM иттилоъ медиҳад, дар ин бора агентии иттилоотии «Меҳр» бо истинод ба Kabul Times хабар дод.
Агентии иттилоотии Би-би-сӣ низ 24 январ бо истинод ба манбаи муътамад дар Абу-Забӣ ин хабарро таъйид кард. Ба гуфтаи ин манбаъ, Ашраф Ғанӣ чанд соат пеш дар манзилаш сактаи мағзи сар шуд.
Бино ба гузоришҳо, Ашраф Ғанӣ ба бемористони Шайх Зоҳид интиқол ёфта, дар шуъбаи эҳёгарӣ бистарӣ шудааст.
То ҳол дар ин бора маълумоти бештар дастрас нагардидааст.
Ёдовар мешавем, ки Ашраф Ғании 72-сола бо ҳамсар ва ду мушовираш пас аз он ки ҷангиёни ҳаракати террористии «Толибон»* эълон карданд, ки тамоми қаламрави кишварро таҳти назорат гирифтаанд, аз фурудгоҳи байналмилалии Кобул берун шуд. Онҳо бидуни ҷанг вориди Кобул шуданд ва қасри президентро ишғол карданд.
____________________
«Толибон» — ҳаракати мамнуъ дар Тоҷикистон
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Имрӯз дар водиҳои Тоҷикистон ҳаво 23 дараҷа гарм мешавад
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
