Дар якчанд минтақаҳои Тоҷикистон корҳои безараргардонии жола анҷом ёфтанд
ДУШАНБЕ, 21.04.2022 /АМИТ «Ховар»/. Дирӯз Хадамоти зиддижолаи Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар якчанд минтақаҳои кишвар корҳои безараргардонии жоларо анҷом дод. Хати ҳаракати тӯфони хавфнок бо снарядҳои зиддижолаи намуди Алазан безарар гардонида шуд, хабар доданд дар Кумитаи мазкур.
«Ҳоло дар Тоҷикистон барои пешгирии ҳодисаҳои фавқулодаи табиӣ тамоми тадбирҳо андешида мешаванд. Аз ҷумла, дар шароити кунунии иқтисодӣ тамоми хадамот тадбирҳои ҳифзи зироати кишоварзиро пурзӯр намудаанд. Безараргардонии жола имкон медиҳад, ки заминҳои кишоварзӣ ҳифз карда шаванд», — гуфтанд дар Кумитаи ҳолатҳои фавқулода ва мудофиаи гражданӣ.
Ҳамчунин оқибатҳои омадани сел дар шоҳроҳи Ваҳдат-Рашт-Лахш бартараф карда шуданд.
Мавриди зикр аст, ки 21 апрел, соати 06:30 аз баста шудани роҳи мошингарди Ваҳдат – Рашт – Лахш хабар расид. Боронҳои пуршиддати шаби гузашта сабаби омадани сели азим дар ин минтақа шуданд. Бино ба гузориши расида, сел километрҳои 94-96 роҳро аз сангу шағал ва лойқа пур карда, ҳаракати мошинҳоро номумкин намуд.
Барои бартараф намудани пайомади ин офат техникаи махсуси Вазорати нақлиёт ва имдодгарони Кумита ҷалб шуданд. Соати 07:30 дақиқа роҳ пурра аз селовардҳо тоза карда шуда, ҳаракати нақлиёт дар ду самт таъмин гардид.
АКС аз манбаъҳои боз
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
Моҳи охири фасли тобистон дар Тоҷикистон ҳарорати ҳаво то 1 дараҷа баланд мешавад
Дар Тоҷикистон соли 2026 ҳаҷми маблағи кумакпулии унвонии иҷтимоӣ бештар гардидааст
