ФУТБОЛ. Замони баргузории бозиҳои даври чоруми Чемпионати Тоҷикистон миёни дастаҳои Лигаи олӣ муайян шуд
ДУШАНБЕ, 20.04.2022 /АМИТ «Ховар»/. Бозиҳои даври чоруми Чемпионати Тоҷикистон оид ба футбол-2022 миёни дастаҳои Лигаи олӣ 23-24 апрел дар варзишгоҳҳои мамлакат оғоз мешаванд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Дар даври мазкур дастаҳои футболи «Равшан»-и шаҳри Кӯлоб бо «Равшан»-и ноҳияи Зафаробод, «Истаравшан»-и шаҳри Истаравшан бо «Регар-ТадАЗ»-и шаҳри Турсунзода, «Хуҷанд»-и шаҳри Хуҷанд бо КМВА-и шаҳри Душанбе ва «Файзканд»-и ноҳияи Восеъ бо «Хатлон»-и шаҳри Бохтар вомехӯранд.
Хотиррасон мешавем, ки 16-17 апрел бозиҳои даври сеюми Чемпионати Тоҷикистон оид ба футбол миёни дастаҳои Лигаи олӣ дар варзишгоҳҳои мамлакат дар сатҳи баланд баргузор гардиданд. Дастаи футболи «Хатлон»-и шаҳри Бохтар пас аз натиҷагирии се даври бозиҳо дар садри ҷадвал қарор дорад. Ин даста бо роҳбарии сармураббӣ Аслиддин Ҳабибуллоев дар ду бозӣ пирӯз шуда, як бозиро мусовӣ анҷом дода, аз 9 холи имконпазир ҳафт хол ба даст овард.
Дастаи футболи «Хатлон»-и шаҳри Бохтар дар даври сеюм бар дастаи «Эсхата»-и шаҳри Хуҷанд бо ҳисоби 3:2 пирӯз шуд. Ҳисобро Санҷар Рихсибоев дар дақиқаи 43 ба нафъи дастаи «Эсхата» кушод. Нуриддин Ҳамроқулов дар дақиқаи 69 ҳисобро баробар кард. Санҷар Рихсибоев дар дақиқаи 84 боз ҳам дастаи «Эсхата»-и шаҳри Хуҷандро ба пеш баровард. Вале Тони Бикатал дар дақиқаи 88 ва Парвиз Боқӣ-Охунов дар дақиқаи 90+1 ду гол зада, ғалабаи дастаии футболи «Хатлон»-и шаҳри Бохтарро таъмин карданд.
Дар бозиҳои дигар дастаҳои футболи «Файзканд»-и ноҳияи Восеъ бо «Хуҷанд»-и шаҳри Хуҷанд бо ҳисоби мусовии 0:0 бозӣ карда, дастаи футболи «Равшан»-и шаҳри Кӯлоб дар меҳмонӣ бар дастаи «Регар-ТадАЗ»-и шаҳри Турсунзода бо ҳисоби 1:0 ғолиб омад ва аввалин пирӯзиашро ҷашн гирифт. Дастаи «Равшан»-и ноҳияи Зафаробод дар майдони худаш аз дастаи КМВА-и шаҳри Душанбе бо ҳисоби 0:2 шикаст хӯрд.
Чемпионати Тоҷикистон-2022
Лигаи олӣ. Даври 2-ум
8 апрел (ҷумъа)
«Эсхата» – «Файзканд» 1:3
Голҳои Оятулло Сафаров, Шавкати Ҳотам ва легионери узбек Амирҷон Сафаров пирӯзии аввалини дастаи «Файзканд»-ро дар мавсими нави чемпионати Тоҷикистон таъмин карданд. Ягона голи дастаи «Эсхата»-ро Санҷар Рихсибоев аз зарбаи 11-метра ба нишон расонид.
Чемпионати Тоҷикистон оид ба футбол-2022 миёни дастаҳои Лигаи олӣ
| Б | Ғ | М | Б | Т | Х | |||
| 1 | «Хатлон» (Бохтар) | 3 | 2 | 1 | 0 | 6-3 | 7 | |
| 2 | КМВА (Душанбе) | 2 | 2 | 0 | 0 | 3-0 | 6 | |
| 3 | «Истаравшан» (Истаравшан) | 2 | 1 | 1 | 0 | 5-0 | 4 | |
| 4 | «Хуҷанд» (Хуҷанд) | 3 | 1 | 1 | 1 | 3-1 | 4 | |
| 5 | «Файзканд» (Восеъ) | 3 | 1 | 1 | 1 | 3-6 | 4 | |
| 6 | «Равшан» (Кӯлоб) | 2 | 1 | 0 | 1 | 2-3 | 3 | |
| 7 | «Эсхата» (Хуҷанд) | 3 | 1 | 0 | 2 | 4-6 | 3 | |
| 8 | «Регар-ТадАЗ» (Турсунзада) | 3 | 0 | 1 | 2 | 2-4 | 1 | |
| 9 | «Равшан» (Зафарабад) | 3 | 0 | 1 | 2 | 2-7 | 1 | |
| 10 | «Истиқлол» (Душанбе) | 0 | 0 | 0 | 0 | 0-0 | 0 | |
АКС: ФФТ
Алифбек Беромов барномаи байналмилалии ФИФА-ро дар Ҷакарта муваффақона хатм кард
Иштирокчиёни Ҷоми Осиё-2026 оид ба футбол байни дастаҳои то 17-сола дар Арабистони Саудӣ маълум шуданд
Дастаи «Рахш»-и Восеъ ғолиби қисми ниҳоии Лигаи дуюми Тоҷикистон-2025 оид ба футбол гардид
Дар Душанбе оид ба омӯзиши арзишҳои олимпӣ ҳамоиш баргузор гардид
Ҳайати дастаи мунтахаби Тоҷикистон дар Чемпионати ҷаҳон оид ба бокс дар Дубай иштирок мекунад
Дар «Tokyo Grand Slam 2025» оид ба гӯштини ҷудо аз Тоҷикистон шаш паҳлавон иштирок менамояд
Паҳлавонони ҷавони тоҷик дар мусобиқаи «Abu Dhabi Grand Slam» сазовори ду медал гардиданд
Дар шоҳроҳи ноҳияи Данғара мусобиқаи ҷумҳуриявӣ оид ба велосипедронӣ баргузор гардид
Сармураббиёни дастаҳои миллии Тоҷикистон дар ҷаласаи Шурои мураббиёни ФФТ ҳисобот доданд
Дар Душанбе ҷаласаи Кумитаи футзали Федератсияи футболи Тоҷикистон баргузор шуд
Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
