Ҷаласаи XVIII гурӯҳи корӣ оид ба таҳияи стандартҳои назорати давлатии молиявии мақомоти олии аудити давлатҳои аъзои ИДМ баргузор шуд
ДУШАНБЕ, 04.05.2022 /АМИТ «Ховар»/. 29 апрел бо ибтикори Мақоми олии аудити Ҷумҳурии Қазоқистон ҷаласаи XVIII гурӯҳи корӣ оид ба таҳияи стандартҳои назорати давлатии молиявии (аудити) мақомоти олии аудити (МОА) давлатҳои аъзои Иттиҳоди Давлатҳои Мустақил дар шакли маҷозӣ баргузор шуд, хабар медиҳад АМИТ «Ховар» бо истинод ба Палатаи ҳисоби Ҷумҳурии Тоҷикистон.
Дар кори ҷаласа намояндагони ниҳодҳои олии назорати молиявии Тоҷикистон, Озарбойҷон, Арманистон, Ҷумҳурии Беларус, Молдова, Федератсияи Русия, Узбекистон, Қазоқистон ва Қирғизистон иштирок намуда, дар мавзӯъҳои «Арзёбии таъсироти сиёсати давлатӣ дар самти дастгирии давлатӣ», «Тартиби гузаронидани аудити маҷмуии ҳисоботи молиявӣ» маърӯза намуданд.
Дар ҷаласа аз ҷониби Палатаи ҳисоби Ҷумҳурии Тоҷикистон сардори Раёсати стандартҳо, таҳлил, рушд ва ҳамкории байналмилалӣ Валимат Мавлонзода ва мудири шуъбаи рушди ҳамкории байналмилалӣ Вероника Маҳмудова иштирок намуданд.
Дар ҷаласа табодули афкору дониш ва таҷриба сурат гирифта, ҳамзамон муҳокимаи масъалаҳои дигари марбут ба фаъолияти минбаъдаи гурӯҳи корӣ мавриди баррасӣ қарор гирифт.
Ёдовар мешавем, ки ҷаласаҳои гурӯҳи корӣ оид ба таҳияи стандартҳои назорати давлатии молиявии кишварҳои узви ИДМ тибқи ҷадвали тасдиқшуда мунтазам баргузор мешаванд.
АКС: Палатаи ҳисоби ҶТ
Хоҷагидорони ноҳияи Вахш аз як замин чанд ҳосил ба даст меоранд
РӮЗИ ҶАҲОНИИ БЕХАТАРИИ ОЗУҚАВОРӢ. 37 нуқтаи назорати давлатии бехатарии озуқаворӣ дар гузаргоҳҳои сарҳади давлатии Тоҷикистон фаъолият доранд
Дар Агентии обуҳавошиносӣ риояи Чаҳорчӯбаи васеъшудаи шаффофият дар доираи Созишномаи Парижро баррасӣ карданд
Масъалаи таъсиси корхонаи коркарди пашм ва бунёди боғи пистаи туркӣ дар вилояти Хатлон баррасӣ гардид
Бахшида ба Рӯзи кормандони мақомоти бехатарии озуқаворӣ ҳамоиш баргузор шуд
Байни Ҳукумати Тоҷикистон ва ширкатҳои «Канзи Диёр», «ТВЕА Душанбе саноати кӯҳӣ» созишномаҳои сармоягузорӣ ба имзо расид
Бо иштироки муовини Сарвазири Тоҷикистон дар Рашт оид ба истифодаи ғайриқонунии неруи барқ ҷаласаи гурӯҳи корӣ баргузор шуд
Масъалаи таъсиси парки муштараки саноатии Тоҷикистону Эрон баррасӣ карда шуд
Сардори Хадамоти алоқаи Тоҷикистон дар ҷаласаи роҳбарони мақомоти алоқаи кишварҳои ИДМ иштирок намуд
Тоҷикистон ва Беларус ҳамкории зиддикоррупсиониро тақвият мебахшанд
Дастовардҳои Тоҷикистон дар соҳаи ҳифзи муҳити зист ва иқлим дар «Eco Expo Central Asia 2026» муаррифӣ гардид
Ҳайати Тоҷикистон дар иҷлосияи вазирони саноати давлатҳои аъзои СҲШ иштирок намуд
