«ДӮСТӢ — ТАВАССУТИ ФАРҲАНГ». Таҳти ин унвон дар Донишгоҳи Ҳоҷатепеи шаҳри Анқара бо иштироки кормандони Сафорати Тоҷикистон ҳамоиш доир шуд
ДУШАНБЕ, 12.05.2022 /АМИТ «Ховар»/. 11 май дар Донишгоҳи Ҳоҷатепеи шаҳри Анқара чорабинии анъанавии ҳамасолаи «Дӯстӣ — тавассути фарҳанг» баргузор гардид. Дар он ҳайати кормандони Сафорат иштирок намуда, намунаҳои анъанаҳои фарҳангӣ, расму ойини миллӣ ва ҳунарҳои мардумии Ҷумҳурии Тоҷикистонро ба намоиш гузоштанд, хабар медиҳад мухбири АМИТ «Ховар» Манижа МАҚСУД.
Ҳамзамон дар ҳамоиш донишҷӯёни донишгоҳи мазкур, аъзои Шӯрои донишҷӯёни тоҷик, намояндагони мақомоти дахлдори Туркия, корпуси дипломатии муқими кишвар ва намояндагони ҷамъиятҳо иштирок намуданд.
Ба ҳозирин барномаи фарҳангӣ иборат аз рақсу суруду оҳангҳои миллии тоҷикӣ, туркӣ, афғонӣ, эронӣ ва дигар кишварҳо пешкаши гардид.
Баъд аз чорабинӣ кормандони сафорат бо донишҷӯёне, ки дар муассисаҳои таҳсилоти олии шаҳри Анқара таҳсил мекунанд, мулоқот намуданд.
Масъулин бо ишора ба таваҷҷуҳ ва ғамхории давлату Ҳукумати ҷумҳурӣ нисбат ба ҷавонон, хусусан донишҷӯён онҳоро ба хониши хубу аъло, гирифтани донишу малакаи баланд, аз худ кардани касбу ихтисосҳои барои кишвар муҳим ва риояи қонуну қоидаҳои кишвари иқомат даъват намуданд.
Кормандони Сафорат ба донишҷӯён иброз доштанд, ки ҳар яки мо бояд шукри Истиқлол, тинҷиву амонии кишвар ва сулҳу ваҳдати миллиро кунем ва таҳти сарварии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри рушду рифоҳи кишвар, баланд бардоштани сатҳи некуаҳволӣ ва саодати ҳар хонадон заҳмат кашем.
АКС: АМИТ «Ховар»
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
