Дар ноҳияи Ашт иштирокчиёни Ҷанги дуюми ҷаҳониро аёдат намуданд
ДУШАНБЕ, 06.05.2022 /АМИТ «Ховар»/. Ду нафар иштирокчӣ ва маъюби Ҷанги дуюми ҷаҳонӣ, ки кунун дар Ҷамоати деҳоти Понғози ноҳияи Ашт бо шукргузорӣ аз суботи комили кишвар зиндагӣ доранд, дар арафаи Рӯзи Ғалаба- 9 май аёдат гардиданд. Дар ин бора ба АМИТ «Ховар» дар Мақомоти иҷроияи ҳокимияти давлатии ноҳияи Ашт хабар доданд.
Ба иштирокчиёни Ҷанги дуюми ҷаҳонӣ Қучқор Ҳоҷиматов (15.06.1926, деҳаи Саро) ва Абдуқодир Холматов (02.05.1925, деҳаи Бободархон) кумаки яквақтаи Пешвои миллатро муовини Вазири тандурустӣ ва ҳифзи ичтимоии аҳолӣ Ҷамшед Шодихон, кумакпулии Раиси вилоят Раҷаббой Аҳмадзодаро сардори Раёсати тандурустӣ Муҳиддин Ҳайруллозода ва кумакпулии яквақтаро Раиси ноҳияи Ашт Шӯҳрат Муҳаммадзода дар вазъияти тантанавӣ супориданд.
Дар вақти суҳбат меҳмонон заҳматҳои пайвастаи иштирокчиёни Ҷанги дуюми ҷаҳонӣ ва хизматҳои шоёни онҳоро дар майдони ҳарбу зарб ва муқовимати шадид алайҳи душманон ёдовар шуданд. Гуфта шуд, ки иштирокчиёни Ҷанги дуюми ҷаҳонӣ таҳти ғамхории бевоситаи Сарвари давлат қарор дошта, пайваста баҳри фароҳам овардани шароити хуби зиндагӣ барои онҳо шароит ва имтиёзҳои дахлдор амалӣ карда мешаванд.
Зимни суҳбат Қӯчқор Ҳоҷиматов ва Абдуқодир Холматов бо шукргузорӣ аз оромиву ободии меҳан даст ба дуо бардошта, таманнои онро намуданд, ки дар Ватани мо ҳамеша сулҳу субот побарҷо бошад.
АКС аз МИҲД н.Ашт
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
