РОБИТАҲОИ ДУҶОНИБА САМАРОВАРАНД. Бонувони соҳибкори Тоҷикистон ва Узбекистон ҳамкориро тақвият медиҳанд
ДУШАНБЕ, 21.06.2022 /АМИТ «Ховар»/. Бо мақсади таҳкими ҳамкории судманди Тоҷикистону Узбекистон ва татбиқи қарорҳо дар сатҳи ташкилоти ҷамъиятӣ мулоқоти бонувони соҳибкори вилоятҳои Суғд ва Тошканд баргузор карда шуд. Дар ин бора АМИТ «Ховар» бо истинод ба шуъбаи кор бо занон ва оилаи мақомоти иҷроияи ҳокимияти давлатии шаҳри Хуҷанд хабар медиҳад.
Ассотсиатсияи миллии занони соҳибкори Тоҷикистон (АМЗСТ) муштаракан бо Ассотсиатсияи занони соҳибкори Узбекистон (АЗСУ) дар шаҳри Хуҷанд ҳамоиши тиҷоратии занони соҳибкори ду давлатро дар формати B2B барои роҳандозии робитаҳои тиҷоратӣ ва ҳамкорӣ баргузор намуд.
Ин ҳамоиш дарси маҳорат барои стартаперҳои маҳаллӣ, ҳамчунин, анҷумани кории бонувони соҳибкори ду кишвар буд. Роҳбарони ҳар ду ташкилот, яъне АМЗСТ ва АЗСУ Гулбаҳор Маҳкамова ва Гулнора Маҳмудова ният доранд, ки чунин ҳамкориро вусъат бахшида, чанд ташаббус ва лоиҳаҳои муштаракро дар самти рушди соҳибкории бонувон дар минтақаи Осиёи Марказӣ роҳандозӣ намоянд.
Онҳо чандин лоиҳаи муштаракро оид ба мустаҳкам кардани мақоми зан дар оила ва ҷомеа, баланд бардоштани ҳуқуқҳои иқтисодӣ, имкониятҳо, умуман, рушди соҳибкории бонувонро амалӣ карданд. Занони соҳибкори тоҷику узбек чандин маротиба барои таҳкими робитаҳои корӣ ва тиҷоратӣ сафарҳои муштарак доштанд.
Мудири шуъбаи кор бо занон ва оилаи мақомоти иҷроияи ҳокимияти давлатии шаҳри Хуҷанд Муяссар Қаҳҳорӣ иброз дошт, ки ҳоло барои рушди соҳибкории занон шароити мусоид фароҳам оварда шуда, ин масъала дар маркази таваҷҷуҳи Ҳукумати Ҷумҳурии Тоҷикистон қарор дорад.
Бонувони соҳибкори узбекистоние, ки ба анҷуман даъват шуда буданд, оид ба фаъолият ва таҷрибаи кориашон дар соҳаҳои сайёҳӣ, технологияҳои иттилоотӣ, хизматрасониҳои таълимӣ ва тиббӣ маълумот доданд. Онҳо бо стартаперҳои мо вохӯрда, маслиҳатҳо доданд, ки барои рушди соҳибкориашон ёрӣ мерасонанд.
Ин гуна вохӯриҳо имкон медиҳанд, ки ҳамкории иқтисодиву тиҷоратӣ ва муҳим аз ҳама робитаҳои дӯстӣ пурзӯр гардонида шаванд ва дар ин самт аллакай чандин созишномаҳо ба имзо расидаанд.
АКС: Шуъбаи кор бо занон ва оилаи МИҲД-и шаҳри Хуҷанд
Дар Душанбе Форуми байналмилалии нассоҷии Тоҷикистон – 2026 доир мегардад
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
