Дар шаҳри Хоруғ фаъолияти 7 корхонаи хурд мавриди баррасӣ қарор гирифт
ДУШАНБЕ, 12.07.2022 /АМИТ «Ховар»/. Дар шаҳри Хоруғ фаъолияти 7 корхонаи хурд ва мушкилиҳои ҷойдошта дар кори онҳо мавриди баррасӣ қарор гирифтанд, хабар медиҳад АМИТ «Ховар» бо истинод ба мақомоти иҷроияи ҳокимияти давлатии шаҳри мазкур.
Зимни шиносоӣ бо фаъолияти корхонаҳои зикршуда Раиси шаҳри Хоруғ Ризо Назарзода зикр кард, ки дар марҳилаи нави рушди минтақа тававҷҷуҳ ба фаъоляити пурсамари коргоҳу корхонаҳо басо муҳим мебошад.
— Нахуст самаранок фаъолият доштани коргоҳу корхонаҳо баҳри таъмини ҳадафи чоруми муҳими Ҳукмати Ҷумҳурии Тоҷикистон -саноаткунонии кишвар мусоидат намуда, баъдан баҳри ташкили ҷойҳои нави корӣ, баланд бардоштани сатҳи зиндагии сокинони шаҳри Хоруғ ба ҳадаф мувофиқ мебошад, — гуфт ў.
Мавриди зикр аст, ки корхонаи ҶДДМ «Фарзона», ки ба истеҳсоли равғани ангат машғул аст, имрӯз дар бозори истеҳсолӣ мавқеи хешро дарёфт намудааст. Маҳсулоти коргоҳ бозоргир буда, кормандон фаъолияти мавсимӣ доранд. Раиси шаҳр баҳри боз ҳам рақобатпазир намудани маҳсулот ба масъулини ин корхона ҷиҳати андешидани тадбирҳои судманд супориш дод.
Ҳамчунин ҶДММ «Помирстоун» ки ба коркарди тахтасанг ва сангҳо барои сохтмон машғул аст, имрӯз яке аз коргоҳҳои комёбу дорои маҳсулоти рақобатпазир дар шаҳри Хоруғ мебошад. Кормандони он ба Раиси шаҳри Хоруғ иттилоъ доданд, ки корхона дорои таҷҳизоти мусоири коркарди тахтасанг буда, кӯшиш бар он доранд, ки бо маҳсулоти босифат натанҳо харидоронро аз шаҳри Хоруғ, балки аз тамоми навоҳии вилоят ҷалб намоянд.
Боиси зикр аст, ки маҳсулоти ин коргоҳ айни замон дар бештари сохтмонҳои ҳудуди шаҳр ва ороиши девору роҳравҳои ҳудуди маркази вилоят васеъ истифода бурда мешавад, ки ин шаҳодат аз ҷойгузинии мавқеи муайяни ин коргоҳ дар бозори истеҳсолӣ мебошад.
Ҳамзамон кооперативи истеҳсолии «Зиндагӣ», ки тайи чанд сол дар шаҳри Хоруғ фаъолияти босамар дорад, дар бозори истеъмолӣ мавқеи хосса пайдо намудааст. Ин кооператив дару тирезаи хушсифати чӯбинро бо ҷалби беҳтарин мутахассисони дорои касбияти баланд омода месозад. Кормандон зикр намуданд, ки дар баробари коркарди чӯб, инчунин гармкунакҳои гуногуни муосирро тибқи шароиту талаботи ҳар як хоҷагӣ истеҳсол менамояд ва он низ фармоишгарони зиёд дорад.
Инчунин Раиси шаҳри Хоруғ аз ҶДММ «Устойён» ва корхонаи дигари навтаъсисе, ки аз тарафи соҳибкори маҳаллӣ Ниёзбек Ақсақолов такшил ёфтааст, дидан намуд. Дар ин ду коргоҳ коргарон ба истеҳсоли таҷҳизот, дару тиреза ва дигари ашёи рӯзгор машғул мебошанд. Корхонаи навтаъсис дорои таҷҳизоти муосири коркарди чӯб буда, дар он нусхакашӣ ва лоиҳакашӣ тибқи барномаи ҷадиди компютерӣ ба роҳ монда шудааст, ки боиси сифати хуби маҳсулоти истеҳсолшуда мебошад.
Мавриди зикр аст, ки омӯзиши мушкилиҳои ҷойдоштаи коргоҳу корхонаҳои ҳудуди шаҳри Хоруғ ва дастгирву ҷонибдории онҳо аз тарафи Раиси шаҳр баҳри амалӣ гардидани ҳадафи стратегии Ҳукумати Ҷумҳурии Тоҷикистон буда, бо рушди истеҳсолоту таъсии корогоҳу корхонаҳо, вусъати истеҳсолоти худӣ, коркади маҳсулоти маҳаллӣ боиси баланд гардидани сатҳи некуаҳволии мардум хоҳад гардид.
АКС: Мақомоти иҷроияи ҳокимияти давлатии шаҳри Хоруғ








Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад
Ҳаҷми истеҳсоли маҳсулоти кишоварзӣ дар Хатлон ба 42,5 миллиард сомонӣ баробар шуд
Тоҷикистон ният дорад то соли 2035 партовҳои газҳои гулхонаиро то 40 фоиз коҳиш диҳад
Рӯзи Президенти Тоҷикистон яке аз санаҳои муҳими тақвими сиёсию фарҳангии ҷумҳурӣ ба шумор меравад
Дар Фурудгоҳи байналмилалии Душанбе ба дастовардҳои даврони соҳибистиқлолии Тоҷикистон арҷ мегузоранд






