Дар шаш моҳи соли равон ҳаҷми гардиши молу маҳсулот дар Тоҷикистон беш аз 27% зиёд шуд
ДУШАНБЕ, 13.07.2022 /АМИТ «Ховар»/. Ҳаҷми гардиши молу маҳсулот дар Тоҷикистон дар нимсолаи аввали соли равон беш аз 3,7 миллиард доллари амрикоиро ташкил дод, ки ин нисбат ба ҳамин давраи соли гузашта 790,3 миллион доллар ё 27,1 фоиз зиёд мебошад. Дар ин хусус имрўз зимни нишасти матбуотии Хадамоти гумруки назди Ҳукумати Ҷумҳурии Тоҷикистон иттилоъ дода шуд.
«Аз маблағи умумии гардиши тиҷорати хориҷӣ беш аз 2,3 миллиард доллар ба воридот ва зиёда аз 1,3 миллиард доллар ба содирот рост меояд. Дар ин давра Ҷумҳурии Тоҷикистон бо 101 давлати ҷаҳон амалиёти содиротию воридотӣ анҷом додааст. Аз ҷумла, соли равон Тоҷикистон ба кишварҳои хориҷӣ ба маблағи беш аз 326 миллион доллар маъданҳо ва консентратҳо, 55,5 миллион доллар сурма, 127,4 миллион доллар нахи пахта, зиёда аз 31 миллион доллар нерӯи барқ, 28 миллион доллар ресмони пахтагӣ, зиёда аз 26 миллион доллар маҳсулоти меваю сабзавот, 20,8 миллион доллар семент ва 2 миллион доллар чарм содирот намудааст»,- гуфт Сардори Хадамоти гумрук Хуршед Каримзода.
Ӯ илова кард, ки гардиши мол бо давлатҳои хориҷи наздик 1 миллиарду 751,4 миллион долларро ташкил дод, ки он баробари 47,2 фоиз аз гардиши тиҷорати хориҷии мамлакат мебошад. Содирот 388,9 миллион доллар ва воридот беш аз 1,3 миллиард долларро ташкил дод.
Гуфта шуд, ки нисбат ба ҳамин давраи соли гузашта гардиши мол бо давлатҳои хориҷии наздик ба маблағи 386,7 миллион доллар ё зиёда аз 28 фоиз афзоиш ёфтааст. Аз ҷумла, содирот 148,8 миллион доллар ё 62 фоиз, воридот бошад 237,9 миллион доллар ё зиёда аз 21 фоиз афзоиш ёфтааст.
Хуршед Каримзода ҳамчунин иттилоъ дод, ки ҳаҷми асосии содироти мол бо давлатҳои Қазоқистон 17,6 фоиз, Чин 16 фоиз, Туркия 8,2 фоиз, Узбекистон 6,9 фоиз, Эрон 4,4 фоиз, Белгия 4 фоиз, Русия 3,2 фоиз, Афғонистон 2,8 фоиз ва Италия 0,6 фоизро ташкил медиҳад.
«Дар ин давра нисбат ба соли гузашта содироти мол ба Туркия 3,4 миллион доллар коҳиш ёфта, ба Чин ба маблағи 175,1 миллион доллар, Қазоқистон 83,4 миллион доллар, Эрон 55,9 миллион доллар ва Узбекистон 50,7 миллион доллар зиёд гардидааст», — тазаккур дод Сардори Хадамоти гумрук.
Марзия САИДЗОДА,
АМИТ «Ховар»
АКС: АМИТ «Ховар»
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
Дар Шанхай масъалаи таъсиси кластери саноатии металлҳои ранга дар вилояти Суғд баррасӣ шуд
Ҳолатҳои ҳуқуқвайронкунии гумрукӣ дар Тоҷикистон коҳиш ёфтаанд
Байни Кумитаи бехатарии озуқавории Тоҷикистон ва Вазорати озуқаворӣ, кишоварзӣ ва саноати сабуки Муғулистон Ёддошти тафоҳум ба имзо расид
Ҳамкории тиҷоратию иқтисодии вилоятҳои Суғд ва Ботканд густариш меёбад
Тоҷикистон ва Муғулистон ҳамкориро дар соҳаи ҳифзи муҳити зист тақвият медиҳанд
НИШАСТИ МАТБУОТӢ. Аз ҳисоби андозҳо ва дигар пардохтҳои ҳатмӣ беш аз 17 миллиард сомонӣ ба буҷети давлатӣ ворид гардид
