Истироҳатгоҳи «Коргарҷавонон»-и дараи Ромит дар басти дуюм 300 нафар наврасонро фаро гирифт
ДУШАНБЕ, 06.07.2022 /АМИТ «Ховар»/. Дирӯз истироҳатгоҳи «Коргарҷавонон», воқеъ дар дараи Ромит 300 нафар наврасонро аз манотиқи гуногуни Тоҷикистон дар басти дуюм ба истироҳат фаро гирифт. Дар ин бора АМИТ «Ховар» бо истинод ба Федератсияи иттифоқҳои касабаи мустақили Тоҷикистон хабар медиҳад.
Дар басти дуюми истироҳат Федератсияи иттифоқҳои касаба дар ҳамкорӣ бо Вазорати меҳнат, муҳоҷират ва шуғли аҳолӣ ва Мақомоти иҷроияи ҳокимияти давлатии Вилояти Мухтори Кўҳистони Бадахшон бо намояндагӣ аз ҳамаи 8 шаҳру ноҳияи вилоят 100 нафар наврасонро сафарбар намуд.
Дар маросими кушодашавии он Раиси Федератсияи иттифоқҳои касаба Маликшо Неъматзода ва муовини якуми Вазири меҳнат, муҳоҷират ва шуғли аҳолӣ Абдуғаффор Раҳмонзода иштирок намуданд.
Зикр карда шуд, ки ғамхорӣ нисбат ба кӯдакон ва наврасон аз авлавиятҳои асосии сиёсати иҷтимоии Ҳукумати Ҷумҳурии Тоҷикистон мебошад.
Ҳамзамон тазаккур дода шуд, ки бо ҳам овардани наврасони минтақаҳои гуногун дар баробари истироҳату фароғат, барои мустаҳакам гардидани дӯстии байни онҳо созгор хоҳад буд.
Дар истироҳатгоҳи «Коргарҷавонон» барои мактаббачагон тамоми шароити зарурӣ барои истироҳату фароғат муҳайё карда шудааст. Дар басти якум низ дар ин истироҳатгоҳ 300 нафар наврасон фаро гирифта шуда буданд.
Акс: ФИКМТ
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
